Попи Франсис бомбаборони мадориси Ғазза аз сӯи саҳюнистҳоро маҳкум кард
Ба гузориши Ватикан Нюз, Попи Франсис, раҳбари катуликҳои ҷаҳон дар як конфронси матбуотӣ, ки пас аз сафари 12 рӯзаи ӯ ба Осиёи ҷануби шарқӣ ва Уқёнусия баргузор шуд, гуфт, ки ҳар рӯз ба сурати телефонӣ бо аъзои ҷомеаи катулик дар Навори Ғазза гуфтугӯ мекунад.
Вай афзуд: Вақте аҷсоди кӯдаконро мебинад, вақте мебинад, ки ба гумони ҳузури чанд неруи чирикӣ дар як мадраса, онҷо бомбаборон мешавад, ин иқдоми зишт ва баде аст.
Раҳбари катуликҳои ҷаҳон изҳор кард: Гоҳе вақтҳо фикр мекунам, ки ин ҷанг аз ҳад гузаштааст, мутаассифам, ки маҷбӯрам инро бигӯям. Аммо фикр намекунам, ки онҳо барои барқарории сулҳ гом бармедоранд.
Раҳбари катуликҳои ҷаҳон пештар хостори оташбаси фаврӣ, озодии асирон ва кумакҳои башардӯстона ба Ғазза шуда ва гуфта буд: Бисёре аз бемориҳо аз ҷумла фалаҷи атфол дар Ғазза дар ҳоли густариш ҳастанд.
Вай бо таъкид бар ин, ки бояд Байтулмуқаддас маҳалли ҳамзистӣ бошад, ки дар он масеҳиён, яҳудиён ва мусулмонон дар он мавриди эҳтиром ва пазириш қарор мегиранд, гуфт: Бигзоред дар сарзамини муқаддас сулҳ барқарор бошад.
Изҳорти Попи Франсис дар ҳоле аст, ки Ҷозеп Баррел, масъули сиёсати хориҷии Иттиҳодияи Аврупо рӯзи ҷумъа хоҳони иқдоми ҷамъӣ барои дастёбӣ ба оташбас дар Борикаи Ғазза шуд.
