Фоҷиаи бемористони шуҳадои Ал-Ақсо; Идомаи сиёсати наслкушии режими саҳюнистӣ + филм
Ба гузориши Ал-Қудсул-Арабӣ, қатлиомми режими ишғолгари Исроил алайҳи оворагон дар Навори Ғазза ва марокизи паноҳгоҳи онҳо, ки ба аҳдофе дар маҳдудаи бомбаборони Исроил табдил шуда, шиддат гирифтааст.
Режими палид ва ҷинояткори саҳюнистӣ бомдоди имрӯз душанбе дар тозатарин ҷиноят ва кушторҳои сериялӣ ва барои ҳафтумин бор, чодарҳои оворагони дохили вайрониҳои бемористони шуҳадои Ал-Ақсо дар Дайрул-Балаҳ дар маркази Навори Ғазза ҳадаф қарор дод, ки ба гуфтаи дафтари расонаҳои давлатӣ дар Навори Ғазза чаҳор фаластинӣ ба шаҳодат расиданд ва ҳудуди 70 нафари дигар маҷрӯҳ шуданд.
Ин бомбаборон мунҷар ба вуқӯъи оташсӯзӣ дар теъдоде аз чодарҳо шуд; Ҷое, ки аҷсоди оворагони сӯхта шуда буданд ва тимҳои дифои ғайри низомӣ натавонистанд онҳоро наҷот диҳанд.
Ба гузориши хабаргузории Фаластинии Вафо, сухангӯи бемористони шуҳадои Ал-Ақсо аз пур шудани бахши пазириши ин бемористон аз маҷрӯҳон хабар дод.
Дафтари расонаҳои давлатии Ғазза дар баёнияе ин ҷинояти ҳавлнок дар дохили бемористонро маҳкум кард ва ишғолгарон ва давлати Амрикоро масъули комили ҷиноёти системотик алайҳи ғайри низомиён ва оворагони Навори Ғазза донист.
Дар идома видеое аз зинда сӯхтани оворагони фаластинӣ дар оташи ношӣ аз ҳамлаи саҳюнистҳо ба чодарҳо дар бемористони шуҳадои Ал-Ақсо дар маркази Навори Ғазза мушоҳида мекунед.
Ишғолгарони саҳюнистӣ масъулияти бомбаборони бемористони шуҳадои Ал-Ақсоро бар ӯҳда гирифтанд. Сухангӯи артиши режими палид ва ҷинояткори саҳюнистӣ аз ҳадаф қарор додани ин бемористон хабар дод ва дар баёнияе муддаӣ шуд: ҷангандаҳои режими палид ва ҷинояткори саҳюнистӣ ба минтақае, ки Ҳамос аз он истифода мекунад ва қаблан ба номи бемористони шуҳадои Ал-Ақсо дар Дайрул-Балаҳ шинохта мешуд, ҳамла карданд.
Ҳадаф қарор додани мактабе дар Ан-Насирот
Соате қабл аз куштори бемористони шуҳадои Ал-Ақсо, ишғолгарони саҳюнистӣ ҳамчунин мактаби Ал-Муфтиро, ки паноҳгоҳи оворагон дар Ан-Насирот буд бомбаборон карданд ва шуҳадо ва маҷрӯҳоне бар ҷой гузоштанд, ки аксари онҳо кӯдак ва зан буданд ва бархе аз маҷрӯҳон ба бемористонҳои Носир ва дармонгоҳи Аврупоӣ дар Хон-Юунс мунтақил шуданд.
