Қуръони Тошканд; Ганҷинаи таърихии мероси исломии Узбакистон
Ба гузориши ИКНА, Узбакистон аз қадимулаём ба унвони яке аз марокизи тамаддуни ҷаҳонӣ ва муҳиммтар аз ҳама, ганҷинаи арзишҳои чанд сад сола мероси исломӣ шинохта шудааст.
Маҷмӯаи имом Бухорӣ воқеъ дар Тошканд, бахши ҷудоинопазир аз мероси Узбакистон ба шумор меравад, ки дохили он ёдгоре аст, ки дар саросари ҷаҳони Ислом мавриди эҳтиром аст; Як нусхаи Қуръони хаттии мансуб ба Усмон.
Ин Қуръон ба дастури Усмон ибни Аффон дар қарни аввали ҳиҷрӣ (қарни ҳафтуми мелодӣ) бар рӯи пӯсти оҳу навишта шудааст.
Асноди таърихӣ нишон медиҳад, ки шаш нусха аз ин Қуръон бавуҷуд омадааст.
Танҳо нусхаи боқимонда, дар китобхонаи маҷмӯаи имом Бухорӣ Тошканд нигаҳдорӣ мешавад ва гувоҳии содир шуда тавассути Юнеско дар 28 августи 2000 сиҳати Қуръонро таъйид мекунад.
Дар тӯли қарнҳо, ин мусҳафи куҳан аз насле ба насли дигар мунтақил шудааст.
Нусхаҳои копияи ин китоб дар кишварҳои мухталиф ва дар маҷмӯаҳои хаттии мухталиф нигаҳдорӣ мешуд.
Ин нусха ба хатти куфӣ навишта шудааст, ки ин хат аз шохаҳои хатти ҳиҷозӣ аст. Дар маҷмӯъ 338 сафҳа вуҷуд дорад, ки абъоди ҳар сафҳа 53 дар 68 сантиметр аст.
Ин рӯзҳо ҳама аз пир то ҷавонон дар Узбакистон ва намояндагони миллатҳои саросари ҷаҳон ба маҷмӯаи имом Бухории Тошканд, адои эҳтиром мекунанд.
Онҳо барои мушоҳида ва баҳрамандӣ аз баракоти маънавии ин мусҳафи арзишманд ба ин макон меоянд.
Ҳудуди ду севуми нусхаи аслии Қуръони мансуб ба Усмон аз байн рафтааст ва танҳо 250 сафҳа аз онки ба хатти арабии барҷаста навишта шуда, боқӣ мондааст.
https://iqna.ir/fa/news/4237427
