Попи истикбори режими саҳюнистӣ дар Фаластинро маҳкум кард
Ба гузориши “Арабӣ 21”, Попи Рум як ҳафта пас аз суханронии худ дар бораи наслкушӣ дар Ғазза эълом кард, истикбори ҳамлагарон дар Фаластин ва Украинаро маҳкум кард.
Раҳбари католикҳои ҷаҳон ин ҳарфҳоро дирӯз, 5-уми декабр ба муносибати 40-умин солгарди баста шудани созишномаи сулҳ байни Чили ва Аргентина ироа карда, таваҷҷӯҳро ба ҷангҳои кунунии ҷаҳон ва ранҷу азобҳои дарднок дар пайи ин ҷангҳо ҷалб кард.
Гуфт: Имрӯз ман ду нокомии башариятро дар назар дорам; Украина ва Фаластин, ки дар он чо азобу укубат ва истикбори истилогар зиёд аст ва ин амр гуфтукӯ дар заминаи сулҳ ва созишро суст мекунад.
Поп бо интиқод аз тиҷорати аслиҳа дар ҷаҳон сӯҳбати сулҳ дар миёни идомаи ҷангро як шакли риёкорӣ номид ва даъват кард, ки гуфтукӯ дар заминаи сулҳ ва созиш дар меҳвари ҳамкориҳои байналмилалӣ ҷой дода шавад.
Вай, ки бори нахуст ба таври оммавӣ амалкарди режими ишғолии саҳюнистиро маҳкум кард, дар нишасти дипломатҳо ва намояндагони динҳо таъкид кард: Сулҳ бояд бар адолат ва адолат поя бошад ва муколама асли равобити ҷомеъаи ҷаҳонӣ бошад.
Поп ин шарҳҳоро як ҳафта пас аз нашри китоби нави худ "Умед ҳеҷ гоҳ намемирад" баён дошт; "Зиёраткунандагон ба ҷаҳони беҳтар", дар ин китоб ӯ хостори таҳқиқи авзоъ дар Ғазза барои муайян кардани наслкушӣ шудааст, ки Исроил онро шадидан рад мекунад.
Қобили зикр аст, ки Бенямин Нетаняҳу, нахуствазири режими саҳюнистӣ дар пайи изҳороти ахири Поп, ки хостори таҳқиқи наслкушии ин режим дар навори Ғазза шудааст, аз ӯ шадидан интиқод кард.
