Муовини Ҷомеат-ул-Мустафо ал-Оламия (с) матраҳ кард:
Муовини фарҳангӣ ва тарбиятии Ҷомеат-ул-Мустафо ал-Оламия (с) аз оғози сиюмин ҷашнвораи қуръонӣ ва ҳадисии Ҷомеат-ул-Мустафо ал-Оламия ба унвони бузургтарин рӯйдоди қуръонӣ ва ҳадисии ҷаҳони Ислом хабар дод.
Ҳуҷҷатул-Ислом Муҳаммадризо Солеҳ, муовини фарҳангӣ ва тарбиятии Ҷомеат-ул-Мустафо ал-Оламия дар гуфтугӯ бо хабарнигори ИКНА бо эъломи ин хабар изҳор кард: дар ин рӯзҳо шоҳиди баргузарии сиюмин ҷашнвораи қуръонӣ ва ҳадисии Ҷомеат-ул-Мустафо ал-Оламия ҳастем. Ин ҷашнвора ки собиқаи тӯлонӣ дар дохил ва хориҷ аз кишвар дорад, яке аз бузургтарин рӯйдодҳои қуръонӣ ва ҳадисӣ дар сатҳи ҷаҳони Ислом аст.
Вай афзуд: муътақидем ин ҷашнвора танҳо рӯйдоде аст, ки ин вижагиҳоро дорад. Аввалан аз ҳайси ҷуғрофиёӣ бештарин тавсеа ва густараи ҷуғрофиёиро дорад. Қаламрави ин ҷашнвора ба қаламрави намояндагиҳои Ҷомеат-ул-Мустафо (с) аст ки дар манотиқи мухталифе аз ҷаҳон дар ҳоли иҷрост, дувум аз назари теъдод ва каммияти мухотаб. Бояд бигӯям ғайр аз хонаводаҳо ва фарзандон беш аз 20 ҳазор нафар, мухотаби мо дар ин ҷашнвора ҳастанд.
Устоди Ҷомеат-ул-Мустафо ал-Оламия идома дод: аз назари миллият беш аз 70 миллият дар ин ҷашнвора ҳузур доранд. Аз назари танаввуъи риштаҳо дар ду бахши катбӣ ва шифоҳӣ тарроҳӣ шудаанд ва ба қироат, ҳифзу маҳоратҳо дар канори тафсир ва маорифи қуръонӣ тавваҷуҳ ва нигоҳи вижае шудааст.
Ҳуҷҷатул-Ислом Солеҳ бо баёни ин ки ҷашнвораи сиюм ба Наҳҷул-балоға, Саҳифаи Саҷҷодия ва ҳадис тавваҷуҳи вижае дорад, баён кард: аҳамият ба мусобиқот дар бахши Наҳҷул-балоға, Саҳифаи Саҷҷодия ва ҳадис рангу буи хоссеро ба ин давра аз ҷашнвора додааст, ба тавре ки тавонистаем ҷамъи байни Қуръон ва Итратро дар миёни пайравони дини бузурги Ислом ба вуҷуд биёварем. Ҳамчунин чанд китоб дар ҳавзаи маориф, Қуръон ва ҳамчунин ҳифзи мавзӯӣ муаррифӣ шудааст.
Вай иброз кард: нуктаи муҳими ҷашнвора ин аст, ки мо дар ин аёми шоҳиди тавваҷуҳ ва унси туллоби азиз бо Қуръон ҳастем. Имсол ин рӯйдодро ҳамроҳ кардем бо эъломи даҳаи қуръонӣ дар Ҷомеат-ул-Мустафо ал-Оламия, ки ба сӯрати озмоишӣ дар ҳоли анҷом аст. Ин барнома дар қолаби як тарҳи мушаххасе ба Шӯро ироа хоҳад шуд. Дар ин даҳаи қуръонӣ, фаъолиятҳои ҷашнвора пуррангтар ва ҳузури туллоб, асотид ва инъикоси ҷойгоҳи Қуръон ва Итрат дар Ҷомеат-ул-Мустафо ал-Оламия пуршӯртар мешавад.
