Истиқболи беш аз 160 кишвар аз ҳалқаҳои қуръонии масҷиди набавӣ
Ба гузориши ИКНА аз menafn.com, ин ҳалқаҳои омӯзишӣ, ки як ҳаракати илмии ҷаҳонӣ маҳсуб мешаванд, мусалмононро аз миллатҳои гуногун гирди ҳам овардаанд. Идораи матнҳои илмӣ ва барномаҳои таълимии масҷиди набавӣ назорат ва раҳбарии ин ҳалқаҳоро бар ӯҳда доранд.
Ин ҳалқаҳо, ки ҳам бо ҳузур ва ҳам дар шакли онлайнӣ (омӯзиши фосилавӣ) сурат мегиранд, аз кӯдакони 4-сола то бузургсолони 91-соларо фаро мегиранд, ки ҳадафашон ҳифзи Қуръон ва баҳрабардорӣ аз омӯзишҳои қуръонӣ мебошад.
Шумораи ширкаткунандагон дар ин ҷаласаҳо беш аз 60 ҳазор нафарро ташкил медиҳад, ки 1900 ҳалқаи ҳузурӣ ва 900 ҳалқаи онлайнӣ баргузор мешаванд. Технологияҳои нав барои омӯзиши Қуръон, омӯхтани Қуръон ва таҷвид барои тамоми мусалмонони ҷаҳон, инчунин бартараф намудани монеаҳои масофавӣ ва набудани муҳити муносиб барои омӯзиш, аз ҳадафҳои аслии ин ҳалқаҳо мебошанд.
Рӯзона 5 нафар ва солона то 1000 нафар аз қуръономузони масҷиди набавӣ ҳофизи Қуръон мешаванд. Қуръономузон аз беш аз 160 кишвар, ки ба 16 забон ҳарф мезананд, аз ин ҳалқаҳо баҳраманд гашта, ҳар рӯз 8700 вояи ғизоӣ миёни онҳо тақсим мешавад.
