Эҳдои 18 тиловати нодири шайх Мустафо Исмоил ба радиои Қуръони Миср
Ба гузориши ИКНА, ба нақл аз пойгоҳи хабарии «Фиту», Ало Муҳаммад Ҳасани Тоҳир, набераи шайх Мустафо Исмоил, дар дидор бо Аҳмад Муслимонӣ, раиси Созмони расонаи миллии Миср ва Исмоил Давидор, раиси радиои Қуръони ин кишвар, 18 тиловати нодиру камёби шайх Мустафо Исмоилро ба радиои Қуръони Миср эҳдо кард.
Набераи шайх Мустафо Исмоил дар ин дидор бо расонидани дуруди гарми хонавода ва қадрдонӣ аз талошҳои анҷомшуда аз сӯи радиои Қуръони Миср гуфт: «Кӯшишҳои анҷомшуда дар ин расона боис шудааст, ки радиои Қуръон ба ҷойгоҳи шоистаи худ бозгардад.»
Вай ҳамчунин 18 тиловати нодири шайх Мустафо Исмоилро, ки қаблан пахш нашуда буд, ба Созмони расонаи миллии Миср эҳдо кард, то ба китобхонаи ин қории бузург дар радиои Қуръони кишвар афзуда шавад.
Раиси Созмони расонаи миллии Миср низ бо изҳори сипос аз хонаводаи шайх Мустафо Исмоил гуфт: «Хурсандии шунавандагони шайхи бузургвор бисёр зиёд хоҳад буд, зеро онҳо метавонанд дар моҳи мубораки Рамазон барои аввалин бор ба ин тиловатҳои зебо гӯш диҳанд.»
