Ҳамкории фаоли қориёни мисрӣ дар барномаҳои қуръонии моҳи мубораки Рамазон
Ба гузориши ИКНА ба нақл аз «Ал-Мисрӣ Ал-Явм», ин вазорат эълон кард, ки ин барномаҳо бо назорати идораи марказии умури масҷидҳо ва Қуръони Карим ва қисми динии ин вазорат ва бо ҳамкории Ал-Азҳар ва як гурӯҳи созмонҳои марбута иҷро мешаванд.
Иқомати намози таровеҳ дар масҷиди Имом Ҳусайн (а) дар Қоҳира бо ҳамкории гурӯҳе аз қориёни мисрӣ, аз ҷумла Шайх Аҳмад Аҳмад Наъайнаъ, Абдунносир Ҳарак, Аҳмад Тамим Мароғӣ, Аҳмад Авваз Абуфаёз, Шайх Сайид Абдукарим Ғайтонӣ, Абдулфаттоҳ Торутӣ ва Тоҳо Нуъмонӣ аз ҷумлаи ин барномаҳост.
Иқомати намози таҳаҷҷуд (намози шаб) дар масҷиди Имом Ҳусайн (а) дар Қоҳира бо ҳамкории гурӯҳи дигаре аз қориёни мисрӣ, аз ҷумла Шайх Маҳмуд Алӣ Ҳасан, Шайх Абдулмутталиб Будӣ ва Шайх Маҳмуд Абдулбосити Ҳусайнӣ, иҷрои ибтиҳол дар ин масҷид бо ҳузури мубтаҳилини мисрӣ, барномаи вижаи тиловати Қуръон пас аз намози аср дар масҷиди Имом Ҳусайн (а) дар Қоҳира бо ҳузури қориёни мисрӣ, аз ҷумла Абдуллатиф Азб, Аҳмад Тамим Мароғӣ, Абдулмутталиб Будӣ, Шариф Омир, Айд Ҳиндавӣ, Муҳаммад Ҳасан Саидӣ ва Айман Мансур аз дигар барномаҳои эълоншудаи Вазорати авқофи Миср барои моҳи мубораки Рамазон аст.
Ин вазорат инчунин барномаи намози таровеҳро дар масҷидҳои дигар шаҳрҳо ва устонҳои Миср бо ҳузури қориёни мисрӣ иҷро хоҳад кард ва қисме аз барномаҳоро низ ба баргузории нишастҳои андешамеҳвар пас аз намози ишо дар масҷиди Имом Ҳусайн (а) дар Қоҳира (вижаи имомони ҷамоат) ва масҷидҳои Сайида Нафиса ва Сайида Зайнаб (с) дар Қоҳира (вижаи занони мубаллиғ) ихтисос додааст.
Инчунин 27 нишасти андешамеҳвар пеш аз намози ишо ва 21 нишаст пас аз намози зуҳр дар устонҳои гуногуни Миср дар рӯзҳои моҳи мубораки Рамазон баргузор хоҳад шуд ва иҷрои барномаҳои вижа барои кӯдакон дар масҷидҳо ва ҷаласаҳои ҳафтагии вижаи хондани китоби «Ар-Рӯз ал-Анф фи шарҳи ас-Сират ан-Набавӣ» (аз китобҳои машҳур дар сираи Набавӣ) дар 62 масҷид аз дигар барномаҳои ин вазорат дар моҳи мубораки Рамазон хоҳад буд.
