Хизмат ба аҳли Қуръон; авлавияти Бунёди «Ал-Ҳусарӣ» дар Миср
Ба гузориши ИКНА, ба нақл аз Ал-Дустур, Ясмин Ал-Хайём (Ясмин Ал-Ҳусарӣ), духтари Маҳмуд Халили Ҳусарӣ, дар суҳбат бо барномаи «Билхатт Ал-Ариз: Бо хати равшан» дар шабакаи моҳвораии Ал-Ҳаёт дар Миср изҳор дошт: ҳадафи асосии Бунёди хадамоти динӣ ва иҷтимоии Шайх Ҳусарӣ, хидмат ба Қуръон ва аҳли Қуръон мебошад.
Вай афзуд: ин бунёд гурӯҳҳои африқоиро мепазирад ва бонувони қории Қуръон дар он фаъолият мекунанд. Ҳамчунин, дорои хона барои ятимон, пиронсолон ва маркази омӯзиши забони Ал-Азҳарӣ мебошад, ки аз он афроди зиёде хатм мекунанд.
Духтари Шайх Ҳусарӣ таъкид кард: ҳадафи Бунёди Ал-Ҳусарӣ ҳамгароӣ бо ҷомеа ва парвариши хатмкунандагони солеҳ аст, ки афроди миёнарав бошанд, на ифротгаро ва тундрав.
Ясмин Ал-Ҳусарӣ идома дод: ин бунёд корҳои хайрияе монанди сохтани сақфи манзилҳо, кофтани чоҳҳо, омода кардани ҷиҳози арӯсӣ барои духтарони ятима анҷом медиҳад. Мо ҳамчунин хонае махсус барои муҳоҷирон дорем, ки дар Қоҳира ва минтақаи Октябр таҳсил мекунанд.
Вай изҳор дошт: мо гурӯҳҳоеро аз кишварҳои осиёӣ ва африқоӣ мепазирем, ки барои гирифтани иҷозатномаи қуръонӣ ва омӯзиши Қуръон ва тартилаш ба услуби Шайх Ҳусарӣ ба ин марказ меоянд.
Ин бонуи даъватгари мисрӣ ҳамчунин гуфт: мо мухолифи таблиғот бо истифода аз кӯмакҳои хайрия ҳастем, зеро ин кӯмакҳо амонатанд ва бояд барои ятимон ва корҳои хайр сарф шаванд. Худованд аз замони таъсиси Бунёди хайрияи Ал-Ҳусарӣ дар солҳои 60-уми қарни гузашта моро муҳтоҷи касе нагардонидааст.
