Мусобиқаи 50 қории Қуръон дар дувумин ҷашнвораи қироатҳои тақлидӣ
Ҳуҷҷатул-ислом вал-муслимин Сайидмустафо Маҷидӣ, мудири кулли авқоф ва корҳои хайрияи устони Қазвин, дар гуфтугӯ бо ИКНА аз Қазвин дар бораи баргузории ҷашнвораи қироатҳои тақлидӣ гуфт: марҳилаи ниҳоии дувумин ҷашнвораи тиловатҳои тақлидӣ аз 3 то 6 исфанди соли ҷорӣ бо мизбонии шаҳри Қазвин ва дар остонаи муқаддаси Имомзода Ҳусайн (а) баргузор хоҳад шуд.
Ӯ афзуд: маросими ифтитоҳияи дувумин ҷашнвораи тиловати тақлидӣ рӯзи ҷумъа, 21 феврал, баргузор хоҳад шуд, ки 50 нафар аз афроди роҳёфта ба марҳилаи ниҳоии ин даври мусобиқот дар се гурӯҳи синнӣ (9 то 13-сола, 13 то 16-сола ва 16 то 20-сола) ба рақобат мепардозанд.
Мудири кулли авқоф ва корҳои хайрияи устони Қазвин изҳор дошт: дар се моҳи гузашта, ки эълони қабули тиловатҳои тақлидӣ дар фазои маҷозӣ мунташир шуд, беш аз се ҳазор нафар аз наврасон ва ҷавонони алоқаманд ба қироати Қуръон осори худро ирсол карданд. Доварон пас аз се марҳилаи арзёбӣ 50 нафарро ҳамчун ширкаткунандагони ниҳоӣ интихоб ва номҳои онҳоро эълом карданд, ки аз 3 исфанд дар Қазвин мизбони онҳо хоҳем буд.
Маҷидӣ дар поён таъкид кард: дар ин замина баргузории 22 маҳфили қуръонӣ барномарезӣ шудааст, ки аз 19 то 25 феврал соли ҷорӣ баргузор хоҳад шуд, то ба шукуҳ ва бузургии ин даври мусобиқот афзуда шавад. Ҳамчунин, барпо намудани намоишгоҳи пешниҳоди маҳсулоти қуръонӣ ва фарҳангӣ дар остонаи муқаддаси Имомзода Ҳусайн (а) аз дигар барномаҳои ҷашнвораи тиловатҳои тақлидӣ хоҳад буд.
