Дафтари Оятуллоҳи Систонӣ оғози моҳи мубораки Рамазонро 2 март эълон кард
ИКНА - Дафтари Оятуллоҳи Систонӣ бо нашри баёнияе рӯзи оғоз ва анҷоми моҳи мубораки Рамазони соли 1446 ҳиҷрии қамариро пешбини намуд.
Ба гузориши ИКНА, ба нақл аз хабаргузории расмии Ироқ, дафтари Оятуллоҳи Систонӣ, марҷаи олии динӣ дар Наҷафи ашраф, ҷадвали замони лозим барои рӯзадорони Ироқ дар моҳи мубораки Рамазонро нашр кард.
Бар асоси баёнияи мунташиршуда аз ҷониби дафтари ишон, интизор меравад, ки ҳилоли моҳи мубораки Рамазон шоми рӯзи шанбе, 1 марти 2025, мушоҳида гардад.
Бар ин асос ва тибқи пешбинии дафтари Оятуллоҳи Систонӣ, рӯзи якшанбе, 2 марти 2025, мутобиқ, нахустин рӯзи моҳи мубораки Рамазон хоҳад буд.
Ҳамчунин, дафтари Оятуллоҳи Систонӣ пешбинӣ кардааст, ки ҳилоли моҳи Шаввол шоми рӯзи якшанбе, 30 марти 2025 мушоҳида гардад.
Бар ин асос, моҳи Рамазони 1446 ҳиҷрии қамарӣ 29-рӯза хоҳад буд.
