Эъзоми 10 қорӣ ва мубаллиғи мисрӣ ба кишварҳои дигар дар моҳи Рамазон
Ба гузориши ИКНА, ба нақл аз Садои Балад, Усома Алазҳарӣ, вазири авқофи Миср, бо эъзоми гурӯҳе аз имомони масоҷид ва қориёни мисрӣ ба шуморе аз кишварҳои ҷаҳон барои эҳёи шабҳои моҳи Рамазони 1446/2025 мувофиқат кард.
Номҳои 10 қорӣ ва имоми ҷамоате, ки барои ин ҳадаф интихоб шудаанд, ба шарҳи зерин аст:
- Шайх Нуриддин Муҳаммад Абдулворис – масҷиди Ал-Ҳидоя, Стамфорд, Амрико Шайх Абдуллоҳ Умар Абдулқодир Ал-Балтоҷӣ – Ҷамъияти Исломии Кейп Код, Массачусетс, Амрико Шайх Муҳаммад Ваҳид Маҳмуд Мардаш – Маркази Исломии Мелвил, Ню-Йорк, Амрико Шайх Иброҳим Ҷамол Иброҳим Сулеймон – Маркази Сулҳи Исломӣ, Вирҷиния, Амрико Шайх Холид Иброҳим Муҳаммад Иброҳим – Маркази Ал-Ҳиҷра, Монреал, Канада Шайх Аҳмад Исмоил Сайид Аҳмад Мансур – масҷиди Тавба, Осло, Норвегия Шайх Муҳаммад Сайид Иброҳим Нассор – Маркази фарҳангӣ ва таълимии Фаҷр, Австрия Шайх Сайид Муҳаммад Субҳӣ Ҳаблас – масҷиди "Хонаи Исломӣ", Сидней, Австралия Шайх Аҳмад Нуриддин Муҳаммад Абдуҷалил – масҷиди Ар-Раҳма, Вилурбан, Фаронса Шайх Муҳаммад Исмоил Нуриддин Атиё – масҷиди "Чибентс", Смолян, Булғористон
Вазорати авқофи Миср барои имомони ҷамоат ва қориёни мисрӣ дар иҷрои рисолати таблиғӣ орзӯи муваффақият намуд.
Ҳамасола, дар рӯзҳои моҳи Рамазон, вазорати авқофи Миср гурӯҳе аз қориён ва мубаллиғони мисриро барои иҷрои тиловат ва барномаҳои таблиғӣ ба кишварҳои мухталиф эъзом мекунад. Тиловати Қуръони қориёни мисрӣ дар маҳфилҳои рамазонӣ дар саросари ҷаҳон бо истиқболи гарме рӯ ба рӯ мешавад.
Давталабон барои эъзом ба хориҷи Миср бояд як қатор шартҳои умумиро, аз ҷумла пешниҳоди асноди иқомат, узвият дар Иттиҳодияи қориён ё ҳузур дар радио ва телевизион, муваффақият дар имтиҳонҳои хаттӣ ва шифоҳӣ, инчунин пешниҳоди асноде дар мавриди надоштани собиқаи ҷиноятӣ, иҷро намоянд.
