Даргузашти шаҳрванди урдунӣ ҳангоми тиловати Қуръон дар саҳаргоҳи моҳи Рамазон + навор
Ба гузориши ИКНА, нақл аз "Уммон Ҷу", ин шаҳрванди урдунӣ, ки саҳаргоҳи рӯзи аввали моҳи Рамазон дар яке аз масҷидҳои Урдун машғули тиловати Қуръон буд, ба диёри боқӣ шитофт ва навори ин ҳодиса дар шабакаҳои иҷтимоӣ мунташир шуд.
Қарор аст ҷанозаи ӯ пас аз намози зуҳр аз масҷиди "Абӯбакри Сиддиқ" дар Урдун ташйиъ шуда, дар оромистони "Ас-Софӣ" дар минтақаи "Навори Ҷанубӣ" ба хок супурда шавад.
Даргузашти мусулмонон ҳангоми тиловати Қуръон падидаи нав нест. Чанд сол қабл Ҷаъфар Абдурраҳмон, қории маъруф ва устоди барҷастаи қироати Қуръон аз Индонезия, ҳангоми сабти тиловати сураи "Мулк" ҷони худро аз даст дод.
Мо ҳаргиз намедонем, ки марг чӣ замон ба сӯямон меояд. Ба гуфтаи Қуръони Карим, замони марг сирре аст, ки танҳо Худованд аз он огоҳ аст. Ҳамзамонӣ вафоти ин устоди индонезӣ бо қироати ояти дувуми сураи "Мулк", ки ба ҳамин мавзӯъ ишора мекунад, боис шуд, ки ин навор дар фазои маҷозӣ бозтоби густарда пайдо кунад.
