Оғози кори Намоишгоҳи байналмилалии Қуръон
Ба гузориши ИКНА, ин намоишгоҳ аз рӯзи чоршанбе, 5 март дар маҷмааи Имом Хумайнӣ (рҳ) дар Теҳрон оғоз шуда, то 16-уми ҳамин моҳ идома хоҳад ёфт.
Маросими ифтитоҳия соати 15:30 бо ҳузури ҷамъе аз масъулони давлатӣ, шахсиятҳои қуръонӣ ва алоқамандони маорифи Қуръони Карим баргузор мешавад. Пас аз ин маросим, бахшҳо ва ғуруфаҳои гуногуни намоишгоҳ барои боздидкунандагон фаъол хоҳанд шуд.
Дар ин даври намоишгоҳ барномаҳои гуногун, аз ҷумла нишастҳои тахассусӣ, коргоҳҳои омӯзишӣ, маҳфилҳои қуръонӣ ва барномаҳои вижа барои кӯдакон ва наврасон пешбинӣ шудаанд.
Масоҳати намоишгоҳи 32-юм тақрибан 20 ҳазор метри мураббаъро ташкил медиҳад, ки 37 бахши муҳтавоӣ ва иҷрошаванда дар он ҷойгир шудааст. Ҳамчунин, 15 кишвар омодагии худро барои пешниҳоди маҳсулоти қуръонии худ дар бахши байналмилалии намоишгоҳ эълон кардаанд.
Намоишгоҳи Қуръон аз соати 16 то 23 барои алоқамандони каломи ваҳй боз хоҳад буд.
