Китоби «Эрон ва Қуръон» рӯнамоӣ мешавад
Ба гузориши ИКНА, Ҳуҷҷатул-ислом Сайидҷалол Мироқоӣ, ройзани фарҳангии собиқи Эрон дар Алҷазоир, ки дар ин кишвар 50 ҷилд пажӯҳиши қуръонӣ ба ҳиммати ӯ ва ҳамкоронаш тавлид шудааст, дар гуфтугӯ бо ИКНА бо ишора ба ин ки китоби «Эрон ва Қуръон» сешанбе, соати 20 дар бахши байналмилалии 32-мин Намоишгоҳи байналмилалии Қуръони Карим рӯнамоӣ мешавад, дар хусуси далелҳои таълифи ин китоб гуфт: Яке аз уламои Алҷазоир китобе навишта ва матраҳ карда буд, ки эрониён китоби тафсири Қуръони Карим надоранд, ба ҷуз ду китоби беаҳаммияти «Ал-Мизон» ва «Маҷмаъ-ул-Баён», ки ин китобҳоро ҳам бояд бихонеду бихандед! Китоби дигаре дар хусуси тафсири Қуръон нанавиштаанд!
Вай гуфт: Ин иддио боис шуд, ки мо дар Алҷазоир шурӯъ ба муаррифии китобҳои эрониён дар заминаи тафсири Қуръон кунем. Дар идома ба қалами «Нуриддин Абӯлҳая» аз садри Ислом ва аз замоне ки Салмони Форсӣ сураи Ҳамдро тарҷума кард то ба имрӯз, умдаи осори қуръонии эрониён, аз ҷумла тафсири Қуръон, улуми қуръонӣ, тарҷумаҳои Қуръон, сериалҳои қуръонӣ, филмҳои қуръонӣ ва ончи аз талошҳои эрониён дар ҳоли Қуръон будааст, ҷамъоварӣ ва дар китоби 400-саҳифаӣ «Эрон ва Қуръон» ба забони арабӣ мунташир кардем.
Ҳуҷҷатул-ислом Сайидҷалол Мироқоӣ илова кард: Нависандаи ин китоб дар поёни он натиҷа гирифтааст, ки талошҳое, ки эрониён барои хидмат ба Қуръон дар 100 соли ахир анҷом додаанд, аз талошҳои кулли уммати исломӣ дар тӯли таърих бештар будааст.
Ӯ ёдовар шуд: Дар маросими рӯнамоии ин китоб, «Нуриддин Абӯлҳая», нависандаи ин китоб ба сурати бархат суханронӣ хоҳад кард.
