Роҳёбии қориёни эронӣ ба даври дуюми мусобиқоти байналмилалии қуръонӣ дар Карбало
Ба гузориши ИКНА ба нақл аз Ал-Кафил, остони муқаддаси Аббосӣ номҳои роҳёфтагон ба даври дуюми дуюмин даври мусобиқоти байналмилалии тиловати қуръонӣ бо унвони «Ҷоизаи Ал-Амид» дар гурӯҳи синнусолии бузургсолонро эълон кард.
Ин мусобиқот ба ҳиммати Маҷмаи илмии қуръонии остони Аббосӣ ва бо ҳузури қориён аз 22 кишвар баргузор шудааст, ки 30 нафар дар гурӯҳи бузургсолон ва 10 нафар дар гурӯҳи ҷавонон ҳастанд.
15 нафар аз 30 ширкаткунандаи ин рақобатҳо дар гурӯҳи бузургсолон, аз ҷумла се қории эронӣ, ба даври дуюми мусобиқот роҳ ёфтаанд, ки номҳои онҳо ба таври зерин аст:
- Маҳмуд Камолуддин аз Миср Ҳамидризо Мақдасӣ аз Эрон Усоама Абдулҳамзаи Карбалоӣ аз Ироқ Муҳаммад Разқан аз Индонезия Толҳа Конкало аз Танзания Аммор Салим Ал-Ҳиллӣ аз Ироқ Иззат Сайид Муҳаммад Алӣ Рошид аз Миср Усоама Бузоҳир аз Марокаш Муҳаммадҳасан Ҳасанзода аз Афғонистон Раҳим Шарифӣ аз Эрон Билол Ҳамфӣ аз Туркия Мустафо Абдуссода аз Ироқ Муҳаммадалӣ Қосим аз Лубнон Саид Парвизи аз Эрон Муҳаммад Назир Асғар аз Филиппин
Шайх Муҳаммад Басюнӣ аз Миср, Босим Ал-Абодӣ аз Ироқ, Муштоқ Алӣ аз Ироқ, Абдулкабир Ҳайдарӣ аз Афғонистон, Муҳаммад Асфур аз Миср, Шайд Ҳасанайн Ал-Ҳилу аз Ироқ, Сайид Карим Мусавӣ (мубтали эронӣ) ва Муҳаммад Рамол (мубтали лубнонӣ) аъзои Кумитаи доварии мусобиқот ҳастанд, ки бар ин рақобатҳо назорат мекунанд.
Гуфта мешавад, ки мусобиқоти байналмилалии қуръонӣ бо унвони «Ҷоизаи Ал-Амид» аз талошҳои остони Аббосӣ барои нашри фарҳанги қуръонӣ ҳамчун равиши муҳим барои саодати шахс ва ҷомеа мебошад. Қориён аз кишварҳои арабӣ, осиёӣ ва африқоӣ дар дуюмин даври ин мусобиқот, ки дар моҳи Рамазон баргузор мегардад, ширкат кардаанд.
Миср, Эрон, Индонезия, Афғонистон, Малайзия, Африқои Ҷанубӣ ва Ҳиндустон аз кишварҳои ширкаткунанда дар ин даври мусобиқоти байналмилалии қуръонӣ дар Карбало ҳастанд. Даври аввали ин мусобиқот соли гузашта дар моҳи Рамазон бо ҳузури 21 кишвар баргузор шуда буд.
