Ал-Азҳари Миср хостори боздошти Нетаняҳу ҳамчун ҷинояткори ҷангӣ шуд
Ба гузориши ИКНА ба нақл аз сомонаи хабарии sawtbeirut.com, Дидабони мубориза бо ифротгароӣ рӯзи гузашта, бо нашри баёнияе пазироии Маҷористон аз нахуствазири режими саҳюнистӣ, ки бо ҳукми боздошти байналмилалӣ рӯ ба рӯ аст, маҳкум кард ва эълом намуд:
Ин иқдом барои заъиф кардани эътибори Додгоҳи байнулмилалии ҷиноӣ ва костани аз садоқат ва шаффофияти он анҷом шудааст.
Дар ин баёния омадааст: «Додгоҳи ҷиноии байналмилалӣ нишонаи адолати ҷаҳонӣ аст ва ҷомеаи ҷаҳонӣ бояд барои ҳимоя аз он ба манзури посухгӯ кардани ҷинояткорони ҷангӣ, муттаҳид шавад.»
Ин марказ таъкид кард: «Иҷрои қарорҳои байналмилалӣ ва муҳокимаи ҷинояткорони ҷангӣ пояи барқарории сулҳ ва адолат аст. Ҳамаи инсонҳо дар баробари қонун баробар ҳастанд ва набояд ҳеҷ ҳуқуқе поймол ё ҷони афроде беарзиш шумурда шавад; дар ғайри ин сурат, қонуни ҷангал ҳукмфармо хоҳад шуд.»
Дар идомаи баёния омадааст: «Замоне барои сукут вуҷуд надорад, зеро сукут ба ҷиноятҳои нав машруият мебахшад. Ғазза танҳо муқаддимаест барои фоҷиаҳои баъдӣ. Натоиҷи ин фоҷиа як чиз аст: хуни афрод рехта мешавад, буҳронҳои байналмилалӣ шадидтар мегардад ва дард ва талафот бо хуни бегуноҳон навишта мешавад.»
Ин баёния дар пайи он содир шуд, ки Маҷористон, ба гарчи ҳукми боздошти байналмилалӣ барои нахуствазири режими саҳюнистӣ содир шудааст, аз ӯ истиқбол кард.
Ёдовар мешавем, ки Додгоҳи ҷиноии байналмилалӣ (ICC) дар ноябри соли 2024 ҳукми боздошти Беняёмин Нетаняҳуро ба иттиҳоми ҷиноятҳои ҷангӣ ва ҷиноят алайҳи башарият дар Ғазза содир карда буд.
Бо вуҷуди ин ҳукм, Нетаняҳу ба Маҷористон сафар кард ва бо Виктор Орбон, нахуствазири Маҷористон дидор намуд.
