Нашри китоби «Забони Қуръон» ба ду забон — англисӣ ва арабӣ — дар Иморот
Ба гузориши ИКНА ба нақл аз сомонаи хабарии alkhaleej.ae, ин китоб ба кӯшиши «Носир Муҳаммад Аслим», устоди забони арабӣ дар Донишгоҳи Ню-Йорк — Абу Забӣ, ва «Холид Шаҳҳӯ», устоди улуми исломӣ ва арабӣ дар муассисаи Таисир, таълиф ва нашр шудааст.
Ин китоб як таҷрибаи омӯзишии фарогир барои забономӯзони сатҳи ибтидоӣ ва миёна фароҳам мекунад, ки аз омӯзиши соддаи забон фаротар меравад.
Бар асоси ин гузориш, китоби «Забони Қуръон» дорои роҳкори вижае аст, ки асосҳо ва қавоиди забони арабиро бо пояҳои фарҳангии ғанӣи он даромехта, тавассути тамаркуз бар ҳарфҳои алифбо, луғот ва услуби Қуръон, пояи қавие барои фаҳми забони Қуръон ба забономӯз пешниҳод мекунад.
Яке аз вижагиҳои ин китоб пайванд додани забони қуръонии арабӣ бо забони рӯзмарра ва даромехтани луғоти қуръонӣ дар як заминаи воқеӣ мебошад. Ин китоб бо такя ба як усули таъомулӣ ва иртиботӣ таҳия шудааст, ки маҳорати амалии забонро дар чорчӯби луғоти қуръонӣ ва фарҳанги исломӣ таълим медиҳад.
Ин китоб дар гузинаи донишомӯзӣ, бо рамзҳои QR ва ҷавобномаҳо барои устодон, мунташир шудааст ва манбаи арзишмандест барои онҳое ки мехоҳанд забони Қуръон ва аҳаммияти фарҳангии онро дарк кунанд.
