Хусусиятҳои тарҳи «Қории таблиғгар» чист? + Филм
Ба гузориши ИҚНА ба нақл аз пойгоҳи иттилоърасонии Ҳаҷ, яке аз ибтикорҳои дафтари намояндагии Баъсати Раҳбари муаззам, иҷрои тарҳи ирсоли қории таблиғгар аз миёни рӯҳониёни ҷавон ва хушсадои ҳозир дар ҳавзаи илмия мебошад, ки дар муқоиса бо равиши гузашта барои фиристодани қориён имтиёзоти бештаре дорад. Қории таблиғгар дар ду маҷлис ба тиловати Қуръон мепардозад:
Маҷлиси унс ва маърифат
Ин маҷлис, ки дар ду навбат – субҳ ва шаб – дар меҳмонхонаҳои Мадина баргузор мешавад, бо тиловати Қуръон оғоз, бо суханронӣ идома ва бо зикри мусибати Аҳли байт (а) ба поён мерасад. Агарчи ҳамеша қориён дар ин маросим ба тиловати Қуръон мепардохтанд, аммо тиловати қории таблиғгар дар ин 10 дақиқа бо ибтикори хос ҳамроҳ мешавад.
Қории таблиғгар дар ин нишастҳо пеш аз оғози тиловат, оятҳоро ба таври мухтасар тарҷума намуда ва нуктаҳоро ба шеваи тафсири Нур-и Ҳуҷҷатул-ислом Қироатӣ баён мекунад. Ӯ ҳамчунин мекӯшад, ки маънии ҳар оятро бо замони ҳозир ва масодиқи рӯз марбут созад ва ниёзҳои фардӣ, иҷтимоӣ, фарҳангӣ ва сиёсиро низ дар назар гирад.
Маҳфили қуръонӣ
Ин нишаст, ба вижа дар моҳи мубораки Рамазон бо истиқболи густурдаи зоирон рӯбарӯ шуд ва ҳар шаб ба таври мустақил дар меҳмонхонаҳои Мадина баргузор мешавад ва тақрибан 45 дақиқа то 1 соат идома меёбад. Дар ин маҳфил, оятҳои баргузида бар рӯйи парда намоиш дода мешаванд ва барнома бо меҳварияти оятҳои тарҳи «Зиндагӣ бо оятҳо» дар моҳи Рамазон иҷро мегардид.
Шеваи баргузории нишастҳо
Дар ин нишастҳо пурсишҳое монанди «Чӣ гуна Қуръон бихонем?» матраҳ мешавад ва се сабки тартили Қуръони Карим — таҳқиқ, тадвир ва таҳдир — тавзеҳ дода мешаванд. Сипас, қории таблиғгар, оятҳое аз каломи илоҳиро ба ду сабки таҳқиқи маҷлисӣ ва тадвир (ё ҳамон тартили маъруф) тиловат мекунад. Дар идома навбати ҷамъхонӣ мерасад ва ҳозирин бо такрори қисматҳои кӯтоҳ аз оятҳо, дар ин ҷамъхонӣ ширкат карда, бо роҳнамоии қории таблиғгар, ба тиловати гурӯҳии тамоми оятҳо мепардозанд.
Дар поён намунаи мухтасари дигаре аз маҳфили қуръонӣ бо иҷрои Ҳуҷҷатул-ислом Софӣ дар филми зер пешниҳод шудааст.
Дар ин нишастҳо, илова бар тиловати Қуръон, нуктаҳои фиқҳӣ вобаста ба намоз ва аҳкоми шариатӣ низ баён мешаванд. Барои кӯдакони ҳозир дар маҳфилҳои қуръонӣ барномаҳои вижае дар назар гирифта шудааст.
