Баргузории 30 маҳфили қуръонӣ аз ҷониби нухбагони Эрон дар Ироқ + акс
Муҳаммадмаҳдии Ҳақгӯён, ҳофизи кулли Қуръони Карим, дар гуфтугӯ бо ИКНА аз сафари таблиғотӣ ва тарвиҷӣ ва баргузории барнома дар кишвари Ироқ дар рӯзҳои моҳи шарифи Рамазон хабар дод ва гуфт: Ман ҳамроҳ бо се нафар аз қориён ва ҳофизони навраси Қуръон дар қолаби як гурӯҳи қуръонӣ ба муддати ду ҳафта дар устонҳои Басра, Бағдод ва ҳамчунин ҷануби Ироқ ба иҷрои барнома пардохтем.
Ӯ афзуд: Дар ин гурӯҳ ба ҷуз аз худам, ки дар маҳфилҳои мухталиф барнома иҷро кардам, се нафар аз наврасони қуръонӣ, ки дар фазоҳои мухталиф аз нухбагон ба шумор мераванд, низ ҳузур доштанд. Дар бахши ҳифзи Қуръон яке аз шогирдони ман бо номи Сайидалӣ Муртазоӣ, ки усул ва роҳҳои мухталифи ҳифзи Қуръонро муаррифӣ мекунад, ширкат дошт ва барномаҳои ҷаззоб ва таъсиргузоре иҷро кард.
Ҳақгӯён таъкид кард: Дар бахши қироат низ яке аз нухбагон бо номи Аҳмадризо Аскарӣ ҳузур дошт ва тиловатҳои мондагореро анҷом дод. Шахси сеюм Сайидмуҳаммад Ҳусайнӣ буд, ки дар бахши нашидҳо ва нағамоти динӣ ширкат кард. Ин се нафар ҳама аз афроди маъруф ва шинохта дар заминаи тахассусии худ мебошанд.
Ин ҳофизи кулли Қуръон изҳор дошт: Дар ин муддат 30 маҳфили унси бо Қуръони Карим дар шаҳрҳои мухталифи Ироқ баргузор шуд. Ҳамчунин дидору мулоқот бо намояндагони порлумон, раисони донишгоҳҳои Басра ва Бағдод, фармондеҳони Ҳашдушшаъбӣ, артишу пулис низ бахши дигаре аз барномаҳои мо дар замони ҳузур дар Ироқ буд.
Ҳақгӯён дар идома ба дархости масъулони устони Басра барои таъсиси як муассисаи қуръонӣ ишора кард ва афзуд: Қарор шуд ин масъала мавриди баррасӣ қарор гирад, то дар сурати имкон ин муассиса ба ҳадафи пешниҳоди услубҳо ва таълими ҳифзи Қуръон таъсис ёбад.
Ин ҳофизи кулли Қуръон дар поён изҳор кард: Ин сафари таблиғӣ ва тарвиҷӣ бо ҳимояти муассисаи Оли Байт (а) барои эҳёи мероси исломӣ, таҳти назари Ҳуҷҷатул-ислом вал-муслимин Сайидҷаводи Шаҳристонӣ, намояндаи Оятуллоҳ Узмо Систонӣ дар Эрон анҷом шуд.
