Қадрдонии Ироқчӣ аз Умон барои мизбонии музокироти ғайримустақими Эрон ва Амрико
Ба гузориши ИҚНА, ба нақл аз сомонаи иттилоърасонии Вазорати корҳои хориҷии Эрон, Сайид Аббоси Ироқчӣ, ки ба сарпарастии як ҳайат барои ширкат дар музокироти ғайримустақим бо Амрико дар бораи масоили ҳастаӣ ва лағви таҳримҳои золимона ва ғайриқонунӣ ба Масқат сафар кардааст, дар оғози сафараш бо Сайид Бадр ал-Бусаидӣ, вазири корҳои хориҷии Салтанати Умон дидору гуфтугӯ анҷом дод.
Дар ин дидор, вазири корҳои хориҷии Эрон бо изҳори қадрдонӣ аз таваҷҷуҳи Умон ба масоили минтақаӣ, мизбонии ин кишвар аз музокироти ғайримустақим миёни Эрон ва Амрикоро муҳим донист ва ба ҳамтои умонии худ барои таваҷҷуҳи ҷиддии эшон дар ин замина ташаккур баён дошт.
Вазири корҳои хориҷии Умон низ, бо истиқболи гарм аз вазири корҳои хориҷии Эрон ва ҳайати ҳамроҳ, равобити дуҷонибаи Умон ва Эронро беназир ва вижа унвон кард ва аз Ҷумҳурии Исломии Эрон барои баргузории ин музокироти муҳим дар Масқат изҳори сипос намуд.
Ҳамзамон, дар ин мулоқот, Сайид Бадр ал-Бусаидӣ ҳайати эрониро бо тадбирҳо ва омодагиҳои пешбинӣшуда барои баргузории музокироти ғайримустақим огоҳ кард.
Ироқчӣ инчунин, дар чорчӯби ин музокирот, меҳварҳо ва мавқеъҳои Ҷумҳурии Исломии Эронро барои интиқол ба тарафи муқобил, дар ихтиёри вазири корҳои хориҷии Умон қарор дод.
