Гирдиҳамоии ҳофизон ва қориёни 18 кишвар дар Ироқ
Ба гузориши ИКНА аз Ироқ, ин қориён ва ҳофизони Қуръон аз 18 кишвари ҷаҳон, аз ҷумла Танзания, Соҳили Оҷ, Сенегал, ҷазираҳои Комор, Нигерия, Тоҷикистон, Индонезия, Афғонистон, Покистон, Ҳиндустон ва Тринидад ва Тобаго буданд ва бо ҳадафи таҳкими ҳамкориҳои қуръонӣ ва тақвияти робитаҳои илмӣ ва маънавӣ дар Маркази тахассусии улуми Қуръон ва ҳадиси Ироқ ҳузур ёфтанд.
Шайх Алӣ Марза, мудири марказ, дар ин бора гуфт: «Мо хушҳолем, ки ин гурӯҳи қуръонӣ миёни мо ҳузур доранд. Мо уҳдадорем, ки ҳамчунон ба дастгирии онҳо идома диҳем ва дар роҳи хидмат ба Китоби Худо ин гурӯҳро қадрдонӣ кунем, зеро пайвастани дилҳои мусалмонон ба нури Қуръон як ҳадафи олист, ки барои расидан ба он бо ҳамкории байналмилалӣ кӯшиш мекунем.»
Ӯ афзуд: «Маркази улуми Қуръони Ироқ дар ҷараёни ин барнома бо тақдими туҳфаҳо ва ироаи сипосномаҳо аз дастовардҳо ва талошҳои барҷастаи қориён ва ҳофизон дар таблиғи улуми қуръонӣ қадрдонӣ намуд.»
Алӣ Марза таъкид кард: «Ин гирдиҳамоии қуръонӣ дар чорчӯби силсилаи фаъолиятҳои солонаи марказ баргузор шуд, ки ҳадаф аз он тақвияти фарҳанги қуръонӣ, арҷгузорӣ ба истеъдодҳои қуръонии кишварҳои мухталиф ва нишон додани нақши остони Ҳусайнӣ дар ҳимоят аз иқдомоти илмӣ ва динӣ мебошад.»
Маркази улуми Қуръони Ироқ бо таъйиди иродаи худ барои идомаи баргузории чунин барномаҳои байналмилалӣ, ки дар таҳкими риштаҳои бародарии қуръонӣ миёни миллатҳо ва ташвиқи рӯҳи ҳамкории илмӣ ва маънавӣ муассир аст, ин маросимро ба анҷом расонд.
Ҳамчунин, ин марказ бар тааҳҳуди худ барои баргузор кардани чорабиниҳои монанд, ки нақши пешқадами остони муқаддаси имом Ҳусайн (а) дар хидмат ба Қуръони карим ва улуми он таҳқиқ мекунад, таъкид намуд.
