Ҷашнвораи байналмилалии "Таротили Саҷҷодия" дар Карбало
Пойгоҳи хабарии остони муқаддаси Ҳусайнӣ, Ҷамол Шаҳристонӣ, раиси кумитаи баргузории ҷашнвораи байналмилалии Таротили Саҷҷодия гуфт: нӯҳумин ҷашнвораи байналмилалии Таротили Саҷҷодия бо шиори "Паёми илм ва тарбияти уламо дар сира ва мероси имоми Саҷҷод(а)" соати 16:00 рӯзи ҷумъа 20 мурдод 1402 мутобиқ бо 11 август 2023 бо мушорикати кишварҳои арабӣ ва исломӣ дар саҳни Ҳусайнӣ оғоз мешавад ва то 22 мурдод 1402 мутобиқ бо 13 август 2023 идома дорад.
Шаҳристонӣ афзуд: нишастҳои пажӯҳишӣ ва илмӣ дар соати 9:00 рӯзҳои шанбе ва якшанбе (21 ва 22 мурдод) дар салони Хотамуланбиё баргузор мешавад.
Вай идома дод: имсол шоҳиди мушорикати теъдоде аз кишварҳои арабӣ ва исломӣ аз ҷумла "Алҷазоир, Тунис, Миср, Сурия, Лубнон, Фаластин, Арабистон, Баҳрайн, Эрон, Туркия ва Ироқ" хоҳем буд ва монанди солҳои гузашта ҳеҷ кишвари аврупоӣ ё амрикоӣ дар ин ҷашнвора ҳузур надорад.
Шаҳристонӣ гуфт: донишгоҳҳои ширкаткунанда дар ҷашнвораи имсол донишгоҳи Карбало, донишгоҳи Бағдод, донишгоҳи Ал-Мустансария, донишгоҳи Ал-Қодисия ва донишгоҳи Зиқор аст.
Вай гуфт: намоишгоҳи китобе дар ҳадди фосили банулҳарамайн барпо мешавад, ки ба муддати 10 рӯз идома хоҳад дошт. Илова бар он, мусобиқаи достони кӯтоҳ ва фаъолиятҳои мутааддиди дигар дар ҳошияи ин ҷашнвора баргузор мешавад.
Ҷашнвораи байналмилалии "Таротили Саҷҷодия", ба ҳиммати остони муқаддаси Имом Ҳусайн(а) ҳарсола ҳамзамон бо шаҳодати Имом Зайнулобидин(а) баргузор мешавад.
https://iqna.ir/00HSbT
