Баргузории давраҳои тобистонаи қуръонӣ барои донишомӯзон дар Ироқ
Ба гузориши ИКНА аз Ироқ, ин давраҳо бо дарсҳои фиқҳӣ, ақидатӣ ва ахлоқӣ ҳамроҳ хоҳад буд ва махсуси донишомӯзони мактабҳои ибтидоӣ ва миёнаи духтарон ва писарон дар синни 6 то 15 сола мебошанд.
Толори «Сақалайн»-и Маркази улуми Қуръони Ироқ макони баргузории ин давраҳо эълом шудааст ва қарор аст ин барнома аз 25 майи соли 2025 оғоз шавад ва ба муддати се моҳ идома ёбад.
Фаъолиятҳои ин давраи омӯзишӣ ҳар рӯз аз соати 10 субҳ то 12 ба вақти маҳаллӣ баргузор мешаванд. Се рӯз (якшанбе, сешанбе ва панҷшанбе) вижаи духтарон ва ду рӯз (душанбе ва чоршанбе) вижаи писарон мебошад.
Устодони воҳиди фаъолиятҳои қуръонӣ, маркази ҳифзи Қуръон ва воҳиди хонумони қори ва ҳофиз аз Маркази улуми Қуръони Ироқ бар ин давраҳо назорат хоҳанд дошт. Баргузории ҷаласаҳои ҳифзи ҷузъ ва сураҳои Қуръон ва аҳкоми тиловат аз барномаҳои аслии ин давра ба шумор мераванд.
Маркази миллии улуми Қуръони Ироқ аз шаҳрвандони ироқии алоқаманд ба давраҳои тобистонаи омӯзиши Қуръон вижаи донишомӯзон даъват кард, ки барои сабти номи фарзандонашон ба бинои марказ воқеъ дар кӯчаи Фаластин, наздикии клуби туркомании «Ал-Ихое» муроҷиат кунанд ё дар рӯзҳои корӣ бо шумораҳои «07709221913 — 07710141012» тамос бигиранд.
