Оятуллоҳ Раисӣ барои дифоъ аз мазлумон бархӯрди исломӣ ва падарӣ дошт
Тавфиқ Ҳасан Алвия, нависанда ва муҳаққиқи лубнонӣ ва мутахассиси улуми қуръонӣ, дар остонаи солгарди аввалини шаҳодати шаҳиди миллат, Ходими Ризо (а) бо ирсоли ёддоште ба ИКНА, хусусиятҳои барҷастаи шахсияти шаҳид Оятуллоҳ Сайид Иброҳим Раисӣ-ро баррасӣ кардааст:
Худованди Мутаъолро ситоиш мекунам ва дуруд мефиристам бар Паёмбари Аъзам, ҳазрати Муҳаммад (с) ва Аҳли байти покаш (а).
Хусусиятҳое, ки ба баъзе афрод хос аст, онҳоро дар зинаи баланди ахлоқӣ ва инсонии қарор медиҳад. Аз ин рӯ, ҷаҳон шоҳиди зуҳури шахсиятҳои бузургу барҷастае будааст, ки хусусиятҳояшон дар душвортарин ва бӯҳронии шароит намоён шудааст.
Аз ҷумлаи ин шахсиятҳо, шахсияти шаҳид Оятуллоҳ Сайид Иброҳим Раисӣ аст – Худо мақомашро дар биҳишти барин баланд гардонад. Шахсияти Оятуллоҳ Раисӣ дорои маҷмӯае аз вижагиҳо буд, монанди хирад, шуҷоат, мудирияти нек ва огоҳии комил аз шароити замон ва макон, авзоъ ва ҳолоти ҷаҳонӣ – ба вижа огоҳӣ аз рӯйдодҳо, натиҷаҳо ва асароти даргириҳо байни меҳвари муқовимат ва меҳвари шарорат, яъне Амрико ва дастгоҳи он Исроил ва дигар дастнишондагони он.
Шаҳид Оятуллоҳ Раисӣ — ки Худованд дараҷоташро дар биҳишт баланд кунад — шахсе донишманд, фақеҳ, мусаллат бар мабонии фиқҳӣ ва усулӣ ва ҳамаи улум марбут ба фиқҳ ва усул буд. Устодони ин ришта ба ин шоҳидӣ медиҳанд.
Ин сайид шаҳид ҳамзамон бо касби мақоми фиқҳӣ, аз назари донишгоҳӣ низ ба дараҷаи баланди илмӣ расида буд ва ба ҳамин далел миёни улуми динӣ ва донишгоҳӣ ҷамъ карда буд.
Бо вуҷуди он ки Сайид Иброҳим Раисӣ раёсати Остони муқаддаси Разавӣ, Қувваи қазоия ва Раёсати ҷумҳуриро ба уҳда дошт, ҳамоно ҳамон Сайид Иброҳим Раисӣ монд ва дар ҳамаи саҳнаҳои идорӣ бо хештандорӣ амал мекард. Бар ин асос, шаҳид Раисӣ бар ин бовар буд, ки ҳама чизеро ки дар ихтиёр дорад, бояд барои хидмати бандагони Худо истифода кунад ва дар ин роҳ тамоми имконоти зери дасташро бар асоси бархӯрди исломӣ ва падарӣ барои ёрии мазлумон ва мустазъафон ба кор мегирифт.
Оятуллоҳ Раисӣ дар даврони раёсати ҷумҳурӣ низ муваффақ буд. Вазъияти маъишатии мардум дар даврони ӯ собит буд ва худаш шахсан барои расидагӣ ба мушкилоти мардум ва пешниҳоди роҳҳал миёни мардум мерафт. Вай дастаи муносибе барои давлаташ интихоб карда буд, ки шаҳид Ҳусейн Амир Абдуллоҳиён, вазири умури хориҷӣ низ аз ҷумлаи аъзои ин даста буд.
Дар умури қуръонӣ низ, шаҳид Раисӣ аввалин раиси ҷумҳуре буд, ки барои дифоъ аз Қуръони Карим ва бузургдошти ҷойгоҳи он дар маҷолиси байналмилалӣ, ин китоби осмониро дар Созмони Милали Муттаҳид бар сари даст баланд кард. Тасвири Оятуллоҳ Раисӣ дар ҳоле ки Қуръон-ро бар сари даст дошта буд, ҳамчунон дар назди чашмони ҷаҳониён боқӣ мондааст ва бузургтарин шаҳодат бар беҳтарин ёру ёвари Қуръон ва мудофеи беҳтарини ин китоби осмонӣ боқӣ хоҳад монд.
Шаҳид Сайид Иброҳим Раисӣ, беҳтарин масдоқи фармудаи Худо мебошад:
«الَّذِينَ إِنْ مَكَّنَّاهُمْ فِي الْأَرْضِ أَقَامُوا الصَّلَاةَ»
"Онҳо ки агар дар замин ба онҳо иқтидор диҳем, намозро барпо медоранд".
Зиндагии ҷиҳодии шаҳид Раисӣ саршор аз мубориза ва хидмат буд. Барои мо ҳамин кофист, ки расонаҳо боло бурдани тасвири шаҳид Қосими Сулаймонӣ дар Созмони Милал тавассути шаҳид Раисӣ, инчунин суханони охирини ӯ дар Озарбойҷон алайҳи саҳюнистҳо пеш аз шаҳодати андуҳборашро намоиш доданд — саҳнаҳое, ки ҷаҳониён ҳаргиз онҳоро фаромӯш нахоҳанд кард ва ба ёд хоҳанд овард, ки посухи низомии Эрон ба саҳюнистҳо дар даврони раёсати ҷумҳури шаҳид Раисӣ иттифоқ афтод.
Масъалаи Фаластин низ бахши бузурге аз зиндагии ҷиҳодии шаҳид Оятуллоҳ Раисӣ буд. Мо бо яке аз рӯзномаҳои эронӣ мусоҳибаи муфассале анҷом додем дар бораи суханронии машҳури шаҳид Раисӣ дар бораи амалиёти Туфони Ақсо ва ҷиноятҳои саҳюнистҳо, ки дар нишасти сарони кишварҳои исломии араб дар Риёз 11 ноябри 2023 ироа карда буд.
Ин суханронӣ дорои нуқтаҳои муҳим ва фаровон буд, аз ҷумла:
- Масъалаи Фаластин масъалаи аввали мусалмонҳост Нақши мунфаъили Созмони Ҳамкории Исломӣ дар ҳалли мушкилоти мусалмонон, бахусус масъалаи Фаластин Ихтибози мавқеи якдил ва қатъӣ алайҳи Исроил ба нафъи Фаластин Муқовимати ошкор алайҳи Амрико, зеро тасмимоти Исроил дар дасти Амрикост Ҳушдор дар бораи амалкарди режими саҳюнистии сохтагӣ Лозим будани таваққуфи фаврии ҷанг алайҳи Ғазза Шикастани муҳосираи саҳюнистӣ бо иқдоми мустақим ва фаврӣ Хуруҷи бидуни қайди саҳюнистҳо аз Ғазза Таъмини амният барои миллати Фаластин Таҳрими комил ва ҳамаҷонибаи режими саҳюнистӣ Эълони артиши саҳюнистӣ ҳамчун артиши террористӣ Ташкили додгоҳи байналмилалӣ барои муҳокимаи Исроил Ҳимояти ҳамаҷониба аз муқовимати Ғазза Барпо кардани давлати Фаластин дар тамоми сарзамини Фаластин ва ихроҷи ишғолгарон Таъсиси Сандуқи бозсозии Ғазза Ирсоли нерӯи инсонӣ барои ҳимоят аз муқовимати миллати Фаластин Эълони рӯзи ҷаҳонии қатли ом барои ҷиноятҳои Исроил дар Ғазза Мусаллаҳ кардани миллати Фаластин барои дифоъ аз худ.
