Барномаҳои Ҳафтаи Байналмилалии Имомат дар Карбало
Ба гузориши ИКНА ба нақл аз хабаргузории расмии Ироқ (ВАЪ), остони муқаддаси Аббосӣ Ҳафтаи Имоматро бо шиори «Нубувват ва Имомат — ду ҳамтои ҷудонопазир» ва бо унвони «Васиятҳои Имомон — ҳидоят ва парҳезгорӣ» ҳамзамон бо иди Ғадири Хум баргузор мекунад.
Дар ин ҳафтаи имомат конфронсҳои илмӣ, барномаҳои фикрӣ ва фарҳангӣ ва нишастҳои гуфтугӯӣ баргузор хоҳанд шуд.
Фаъолиятҳои ин ҳафта аз 24-уми хурдадмоҳ оғоз хоҳад шуд ва кишварҳое аз ҷумла Эрон, Миср, Яман, Лубнон, Арабистони Саудӣ, Алҷазоир, Кения, Тунис, Афғонистон, Марокаш, Сурия, Норвегия, Кувайт ва Ироқ дар он ширкат хоҳанд кард.
Конфронсҳои Ҳафтаи Имомат иборатанд аз:
· Конфронси Имом Алӣ (а) дар 25 хурдад дар Донишгоҳи Ал-Кафил дар вилояти Наҷфи Ашраф;
· Конфронси Имом Ҳасан ва Имом Ҳусайн (а) дар 26 хурдад дар Донишгоҳи Ал-Амид, дар толори Имом Муҷтабо (а);
· Конфронси Имом Сиҷод (а) дар 27 хурдад дар толори Имом Ҳасан (а) дар остони муқаддас;
· Конфронси Имом Боқир (а) ҳамон рӯз баъд аз зӯҳр дар ҳамон толор;
· Конфронси Имом Содиқ ва Имом Козим (а) дар 28 хурдад дар толори Имом Ҳасан (а);
· Конфронси Имом Ризо (а) дар 29 хурдад дар ҳамон толор;
· Конфронси Имом Ҷавод (а) баъд аз зӯҳри ҳамон рӯз дар ҳамон толор;
· Конфронси Имом Ҳодӣ ва Имом Аскарӣ (а) дар 30 хурдад;
· Ва конфронси Имом Ҳуҷҷат (аҷҷалаллоҳу фарҷаҳ) дар 31 хурдад дар толори Имом Ҳасан (а).
Дар ин конфронсҳо беш аз 200 мақолаи илмӣ мавриди баррасӣ қарор мегирад, ки дар онҳо ба тафсири андешаи Аҳли байт (а) пардохта мешавад.
Ҳадафи остони муқаддаси Аббосӣ аз баргузории Ҳафтаи Имомат, поягузорӣ ва устуворсозии улуми Аҳли байт (а), тавзеҳ ва табйини сирати эшон дар рӯёрӯӣ бо буҳронҳои ҷаҳони муосир ва нишон додани нақши эшон дар аз байн бурдани шубҳаҳои фикрӣ ва муқобила бо афкори инҳирофӣ мебошад.
