Қиссаи як зани рус, ки бо қувваи имон бар саратон пирӯз шуд ва мусалмон гардид
Ба нақли IQNA бо истинод ба Ал-Ҷазира, Людмила қисса кард, ки чигуна саратон ӯро ба ҳолати вазнин расонд ва ин муборизаи сахт сабаби имон оварданаш ба Ислом шуд. Ӯ гуфт:
«Ман моҳи апрели соли 2021 ба Ислом гаравидам. Оилаам каме ҳайрон шуданд, вале фаҳмида қабул карданд. Ман махсус масҷиди Айя София дар Истанбул-ро интихоб кардам, то дар он ҷо расман мусалмон шавам. Ислом зиндагии маро комилан ба тарафи нек тағйир дод.»
Людмила нақл кард, ки духтурон ба ӯ гуфтанд, ки саратон тамоми баданашро фаро гирифтааст ва ӯ ҳамагӣ ду моҳ вақти зиндагӣ дорад. Аммо ӯ ба ин гуфтаҳо чунин посух дод:
«Ман зинда мемонам!»
Ва илова кард, ки имонаш ба Худо ва дастгирии оилааш сабаб шуданд, ки рӯҳафтода нашавад ва дар мубориза бо беморӣ пирӯз шавад.
Пас аз сиҳат ёфтан, Людмила мусалмон шуд ва дарди шахсии худро ба як кори хайр табдил дод. Ӯ бунёде дар Сенегал таъсис дод, ки “Мила барои Африқо” ном дорад. Ин бунёд ба ду гурӯҳи асосан фаромӯшшуда кӯмак мекунад:
Афроде, ки ба саратон мубтало ҳастанд,
Ва кӯдакони гирифтори албинизм — як бемории нодири генетикӣ, ки боиси набудани ранги пӯст, мӯй ва чашм мешавад.
Ӯ тавассути ин бунёд кӯшиш мекунад, ки:
кумакҳои тиббӣ ва равонӣ ба ин кӯдакон расонад,
барномаҳои баландбардории огоҳӣ дар бораи онҳо роҳандозӣ кунад,
ва кӯдаконро аз танҳоӣ ва таҳқир берун оварда, ба мактабҳо ворид созад.
Бо вуҷуди ин, ӯ таъкид кард:
«Тағйир додани фикру ақидаи мардум як равандест, ки вақт мегирад. Барои он ки овози мо шунида шавад, дастгирии расонаҳо ва кӯмакҳои молиявӣ лозим аст.»
Людмила дар охири суҳбаташ бо як маслиҳати самимӣ гуфт:
«Ба Худо бовар кунед. Меҳрубон бошед. Корҳои нек кунед. Танҳо бо амалҳои нек ва ёрӣ ба муҳтоҷон мо метавонем ин дунёро якҷо беҳтар гардонем».
https://iqna.ir/fa/news/4293868
