Оғози роҳпаймоии Арбаин аз дурдасттарин нуқтаи Ироқ
Ба гузориши ИҚНО, ба нақл аз Middle East News, имсол ҳам зоирони Арбаин роҳпаймоии худро аз нуқтаи Расулбеша дар ҷанубии Ироқ шурӯъ карданд ва зери офтоби сӯзон ва ҳавои бисёр гарм ба самти «Қиблаи озодон» — яъне Карбало — ба ҳаракат даромаданд.
Дар канори роҳ, «мавокиби ҳусайнӣ» — яъне хаймаҳо ва нуқтаҳои хидматрасонӣ — барои кумак ба зоирон ва фароҳам сохтани ғизо, об, ҷойи истироҳат ва дигар хизматҳо омода ҳастанд.
Масофа аз Расулбеша то Карбало бештар аз 600 километр аст ва ҳарорати ҳаво дар ин рӯзҳо ба зиёда аз 50 дараҷа гармӣ мерасад. Бо вуҷуди ин, зоирон пойи пиёда роҳро тай мекунанд, то дар маросими Арбаини Имом Ҳусайн (а) иштирок намоянд.
Арбаин яке аз муҳимтарин руйдодҳои мазҳабии шиаён аст, ки дар он миллионҳо нафар аз кишварҳои мухталиф бо пои пиёда ба сӯи Карбало мераванд, то ёди шаҳидони Карбало ва рисолати Имом Ҳусайн (а)-ро зинда нигаҳ доранд.
4294252
