Оғози номнависӣ барои нуҳумин мусобиқаи Қуръонии «Ҷоизаи Катара» дар Қатар
Ба гузориши ИҚНО ба нақл аз сомонаи qna.org.qa, ин мусобиқа бо шиори «Қуръонро бо овози худ зинат диҳед» баргузор мешавад ва аз рӯзи сешанбе, 24-уми тир (мувофиқи 15 июли 2025) сабти ном оғоз гардидааст.
Мӯҳлати ниҳоии номнависӣ то 30-уми сентябри 2025 (8-уми муроди соли ҷорӣ) муайян шудааст.
-
Рӯшан кардани истеъдодҳои нодир дар соҳаи тиловати Қуръон
-
Интихоби беҳтарин ва зеботарин овозҳо
-
Муаррифии қориҳои намоён бо риояи қоидаҳои таҷвид
-
Қадрдонӣ ва эҳтиром ба қориҳои соҳибистеъдод ва эҷодкор
-
Роҳандозии ангеза дар ҷавонон барои риоя ба дин ва эҳсоси масъулият
Бино ба иттилои Бунёди Катара, як комиссияи махсус ҳамаи довталабонро арзёбӣ мекунад ва 100 нафари беҳтарин барои ширкат дар марҳилаи муқаддамотӣ дар шаҳри Дуҳа интихоб мешаванд.
Дар марҳилаи муқаддамотӣ, ки дар 20 бахши телевизионӣ намоиш дода мешавад, дар ҳар бахш 5 иштирокчӣ ҳузур меёбанд ва 1 нафар ба марҳилаи ниманиҳоӣ роҳ меёбад.
Дар марҳилаи ниманиҳоӣ, 20 иштирокчии асосӣ ва 5 нафар захиравӣ ширкат мекунанд. Онҳо дар 5 бахши рақобат иштирок мекунанд ва аз ҳар гурӯҳ як нафар ба марҳилаи ниҳоӣ роҳ меёбад.
Дар ниҳоят, 5 ғолиб эълон мешаванд ва бахшҳои телевизионии мусобиқа дар як барномаи махсуси моҳи Рамазон бо ҳамкории телевизиони Қатар пахш мешаванд.
Ҳайати доварон иборат аз 6 нафар аст:
-
3 нафари онҳо дар соҳаи тиловат ва қоидаҳои таҷвид тахассус доранд;
-
3 нафари дигар мутахассисони мақомҳо, садо ва лаҳн мебошанд.
Бунёди Катара изҳор доштааст, ки як сабти пурраи тиловати Қуръони Карим бо овози ғолиби аввал дар студияҳои Катара таҳия ва нашр хоҳад шуд.
Маблағи умумии ҷоизаҳо — 1.5 миллион риёл Қатар:
-
Ҷойи аввал — 500 ҳазор риёл
-
Ҷойи дуюм — 400 ҳазор риёл
-
Ҷойи сеюм — 300 ҳазор риёл
-
Ҷойи чорум — 200 ҳазор риёл
-
Ҷойи панҷум — 100 ҳазор риёл
Қобили зикр аст, ки Идораи авқофи Вазорати авқоф ва умури исломии Қатар аз соли 2017 то имрӯз, ҳомии расмии ин мусобиқа мебошад.
4294411
