Истиқболи гарм аз Қуръон хондани футболбози ҳамлагари бошгоҳи олмонӣ + видео

"Серҳу Гираси", ҳамлагари бошгоҳи «Борусия Дортмунд»-и Олмон, дар сафари охираш ба ватанаш — Гвинея, дар назди дӯстдоронаш Қуръон тиловат кард. Ин амалаш аз сӯи мардум бо истиқболи гарм рӯ ба рӯ шуд.

Ба нақли Al Jazeera, Гираси дар таътили тобистонаи худ ба Гвинея баргашта, дар як маҳфили дӯстдоронаш дар мадрасаи маҳаллӣ Қуръон хондааст ва диққати бисёриҳоро ба худ ҷалб кардааст.

Дар як видеое, ки аз ӯ сабт шудааст, дида мешавад, ки Гираси дар як мактаби Қуръонӣ бо овози равон ва бо услуби тартилии Қуръон тиловат мекунад. Дӯстдоронаш бо телефонҳояшон ин лаҳзаро сабт карда, аз амали ӯ хушҳолии зиёд нишон медиҳанд.

Гираси, ки ҳоло 29-сола аст, на танҳо бо ҳунари голзанӣ, балки бо имон ва садоқати динияш низ шинохта мешавад. Ин чиз дар рафторҳои пас аз голзаниаш низ намоён аст.

Ин бозингари гвинейӣ аз моҳи июни соли 2024, ки бо маблағи 18 миллион евро ба «Борусия Дортмунд» пайваст, то имрӯз дар 50 бозӣ 38 гол задааст ва 9 паси гол додааст.

Қаблан ӯ дар бошгоҳҳои «Штутгарт» ва «Кёлн»-и Олмон, «Лил», «Осер» ва «Ренн»-и Фаронса бозӣ кардааст. Дар сатҳи байналмилалӣ бошад, 22 бозӣ анҷом дода, 9 гол ба самар расондааст.

Шумораи боздидҳо : 1

код

Зеркашӣ кунед

Main movie

<div id="video-display-embed-code_17103"><script type="text/JavaScript" src="https://iqna.ir/tj/news/play/embed/3686/17103?width=400&height=300"></script></div>

4297682