Шаҳодати бозигари собиқи тими миллии баскетболи Фаластин дар Ғазза

Нерӯҳои артиши режими саҳюнистӣ рӯзи сешанбе, дар як ҳамла ба минтақаи Хан Юнус дар ҷануби навори Ғазза, Муҳаммад Шаълон, бозигари собиқи тими миллии баскетболи Фаластин ва яке аз ситораҳои варзиши Ғаззаро ҳадаф қарор дода, ба шаҳодат расонданд.

Ба гузориши Маркази иттилоърасонии Фаластин, муҷримон замоне ба Шаълон тир андохтанд, ки ӯ барои дарёфти кӯмакҳои инсонӣ ба манзури наҷоти фарзандонаш аз гуруснагӣ берун рафта буд.

Шаълон, ки духтари бемораш Марям ба бемории норасоии гурда ва заҳролудии шадиди хун гирифтор буд, мулзаман барои дарёфти дору ва ғизо кӯшиши пайваста мекард. Ӯ борҳо барои муолиҷаи фарзандаш кӯмак хоста буд.

Ин варзишгар бо тимҳои маҳаллии зиёде, аз ҷумла:
Хидматҳои ал-Бурайҷ, ал-Мағозӣ, Хон Юнус, аш-Шоти, Ғазза, Ҷамъияти ҷавонони масеҳӣ ва Ҷибалия бозӣ карда, ҳамчунин аъзои тими миллии баскетболи Фаластин буд.

Бо шаҳодати Муҳаммад Шаълон, шумораи варзишгарони шаҳидшудаи фаластинӣ аз оғози ҷанги ахир (аз 7 октябри 2023) ба тақрибан 670 нафар расид.

Қаблан низ, Сулеймон ал-Убайд, машҳур ба «Пеле Фаластин», дар таърихи 6 августи соли равон, ҳангоми ҷустуҷӯи ғизо барои фарзандонаш аз тарафи нерӯҳои ишғолгар ба шаҳодат расида буд. Ин ҳодиса вокунишҳои байналмилалиро ба дунбол дошт —
UEFA (Иттиҳодияи футболи Аврупо) шаҳодати ӯро таслият гуфт ва Муҳаммад Салоҳ, бозигари мисрии клуби Ливерпул, хостори равшан шудани ҷузъиёти қатли ӯ гардид.

4300868