Ба гузориши хабарнигори ИҚНО, ин маросим субҳи имрӯз, душанбе 28-уми меҳр (20-уми октябр) дар толори Фаҷри шаҳри Санандҷ баргузор гардид.

Барномаи расмӣ бо саруди миллии Ҷумҳурии Исломии Эрон оғоз ёфт ва дар идома, Ҳусейн Фардӣ, қории сатҳи байналмилалӣ, оятҳое аз сураи мубораки “Мӯъминун”-ро тиловат кард.

Сипас, Меҳдӣ Сафарӣ иҷрокунандаи барнома буд ва Ҳуҷҷатулислом Муҳаммад Коруанд, раиси авқоф ва корҳои хайрияи вилояти Курдистон ва дабири ин давраи мусобиқаҳо, дар суханронии худ аз шаҳидони Курдистон, ба вижа шаҳидон ва ҳофизони Қуръон, ба некӣ ёд кард.

Ӯ махсусан сардор шаҳид Ҳусейн Салламӣ, ҳофизи тамоми Қуръонро ба унвони намунаи барҷаста ёдоварӣ намуда, ба таври вижа аз ҳимояти Мавлавӣ Рустамӣ, имоми ҷумъаи Санандҷ ва узви Маҷлиси хабаргони раҳбарӣ, изҳори сипос намуд.

Коруанд гуфт:

«Шаҳидони ин сарзамин дар даврони ҳаштсолаи дифоъи муқаддас ҷони худро фидо карданд. Имрӯз, агар нафаре дар фикри ҳифзи Қуръон аст, он шаҳидон дар маънои воқеӣ посбон ва ҳифозатгари Қуръон буданд.»

Вай афзуд: бахши аввал аз ин давра, ки бахши нағмаҳои динӣ буд (дуохонӣ, ҳамхонӣ, азон ва гурӯҳхонӣ), ба хубӣ ба анҷом расид ва ширкаткунандагон дар ин бахш барои ду рӯз бо ҳам сабқат карданд.

Аз пагоҳ то 5-уми обонмоҳ (27 октябр), мусобиқа вориди бахшҳои муҳими худ мешавад: қироати таҳқиқ, тартилии Қуръон ва ҳифз.

Ҳуҷҷатулислом Коруанд таъкид кард:

«Хондани Қуръон ва унс гирифтан бо калимаҳову оятҳои он — тавассути тиловат ва ҳифз — савоб дорад, вале таъсиргузорӣ ва танзими умури зиндагии як мусалмон ба амал кардан ба фармудаҳои Қуръон вобаста аст.»

Имоми ҷумъаи Санандҷ дар идома гуфт:

«Мо бояд дар бораи нури Қуръон ҳарф бизанем, нуре ки бар қалби Паёмбар нозил шуд ва таҷаллӣ ёфт. Ин бузургтарин мўъҷизаи илоҳӣ аст. Чаро ки агар оташ бо амри Худо барои Иброҳим (а) сард шуд, ё асои Мӯсо (а) баҳри Нилро шикоф, ин мўъҷизот барои замону лаҳзаи худашон буданд. Аммо ин нури Қуръон аст, ки баъди 14 қарн ҳамоно тоза ва зебост.»

Дар идома, Ҳуҷҷатулислом Шаҳоб Амонатчӣ аз шаҳри Қум, ки ҷойи аввалро дар бахши дуохонӣ ба даст овард, барномаи худро иҷро кард.

Ва дар анҷоми барнома, номи пирӯзон эълон ва аз ғолибон қадрдонӣ ба амал оварда шуд.

4311765