Баргузории панҷумин ҷашнвораи қуръонии «Саққо» дар Ироқ
Ба гузориши Икно ба нақл аз «Алкафил», ин ҷашнвора бо шиори «Парчамбардорӣ; роҳи шараф ва вафодорӣ» фардо соати 9-и субҳ дар қароргоҳи Маркази Қуръони бонувон, вобаста ба Дафтари мутаваллии шаръии умури бонувони Остони муқаддаси Аббосӣ дар минтақаи «Ал-Карома»-и Наҷаф баргузор мешавад.
Сайида Фотима Соҳиб аз бахши иттилоърасонии ин марказ гуфт: кормандони марказ омодагиҳои вижа барои баргузории панҷумин ҷашнвораи солонаи қуръонии «Саққо»-ро анҷом додаанд ва масъулиятҳои кумитаҳои марбут ба тавре иҷро шудааст, ки ҷашнвора ба беҳтарин шакл ва шоистаи номи мубораки Абулфазл ал-Аббос (а) баргузор гардад.
Вай афзуд: омодагиҳо шомили таъмини ниёзҳои ҷашнвора ва назорат бар тамрини иҷроҳои театрӣ ва дигар бахшҳое мебошад, ки дар он пешниҳод хоҳанд шуд.
Масъули бахши иттилоърасонии Маркази Қуръони бонувони Остони Аббосӣ изҳор дошт: иҷрои тиловатҳоии қуръонӣ, намоишҳои театрӣ, сурудҳо ва мусобиқаи таҳқиқотие, ки дар ин давра ба барнома илова шудааст, аз ҷумлаи бахшҳои ҷашнвора хоҳад буд.
Дар ҳамин ҳол, Маркази Қуръони бонувон вобаста ба Дафтари мутаваллии шаръии умури бонувони Остони муқаддаси Аббосӣ 50 мақолаи таҳқиқотиро дар мавзӯъҳои марбут ба меҳварҳои мусобиқаи таҳқиқотии панҷумин ҷашнвораи қуръонии «Саққо» дарёфт кардааст.
Раҳоб Ҳусайн, узви кумитаи расонаии ҷашнвора, дар ин бора гуфт: бо таваҷҷуҳ ба шиори ҷашнвора, мусобиқаи таҳқиқотӣ дар бораи сираи ҳазрати Абулфазл ал-Аббос (а) бо ҳадафи тасвири арзишҳои ахлоқӣ ва маънавии он ҳазрат баргузор шудааст.
Раҳоб Ҳусайн дар поён гуфт: ин мусобиқа шомили чаҳор меҳвар аст, аз ҷумла тасвири ҳазрати Абулфазл ал-Аббос (а) дар мазмунҳои қуръонӣ, шахсиятшиносии тарбиятии он ҳазрат, таҷаллии ҳазрати Абулфазл (а) дар матнҳои наср ва шеър ва тасвири арзишҳои фикрӣ ва ахлоқӣ дар шахсияти эшон мебошад.
4333571
