Эҳдои гувоҳиномаи стандартии Арабистон ба маҳсулоти ҳалоли Татаристон
Ба гузориши Икно ба нақл аз Muslims Around The World, Кумитаи стандартҳои ҳалоли Идораи динии мусулмонони Ҷумҳурии Татаристон аз анҷоми муваффақонаи дарёфти таъйидия аз сӯи Созмони стандарт, андозагирӣ ва сифати Арабистони Саудӣ (SASO) хабар дод.
Ин иқдоми пешрафтаи назоратӣ нуқтаи атфи муҳим дар низоми чандмарҳилаии арзёбӣ мебошад, ки дар Арабистони Саудӣ татбиқ шудааст ва роҳро барои вуруди мустақим ва мунтазами маҳсулоти ҳалоли дорои гувоҳинома аз ҷониби ин кумита ба бозори Арабистони Саудӣ ҳамвор месозад.
Ин дастовард бахше аз талошҳои пайвастаи ниҳодӣ мебошад, ки бо ҳадафи тавонмандсозии ширкатҳои дорои гувоҳиномаи ҳалол дар Татаристон барои дастрасӣ ба бозорҳои стратегии ҷаҳони ислом, ба вижа Арабистони Саудӣ, анҷом мешавад; кишваре ки яке аз бузургтарин ва сахтгиртарин бозорҳои ҳалол дар ҷаҳон аз лиҳози меъёрҳои назоратӣ ва сифатӣ ба шумор меравад.
Мумаййизии SASO чист ва чаро аҳамият дорад?
Созмони стандарт, андозагирӣ ва сифати Арабистони Саудӣ (SASO) ниҳоди давлатӣ аст, ки масъули таҳия ва иҷрои меъёрҳои сифатӣ, фаннӣ ва назоратӣ дар Арабистони Саудӣ мебошад. Таъйидияи он шомили баррасии ҳамаҷонибаи ниҳодҳои мутобиқат ва содиркунандаи гувоҳиномаи ҳалол аст, то аз салоҳияти ниҳодӣ ва фаннии онҳо итминон ҳосил шавад.
Додаҳои ҷорӣ нишон медиҳанд, ки содироти маҳсулоти ҳалол аз Русия ба Арабистони Саудӣ дар солҳои ахир, ба вижа дар бахшҳои гӯшт ва мурғ, маҳсулоти ғизоии коркардшуда, лабаниёт ва равғани наботӣ, шоҳиди рушду афзоиши қобили таваҷҷуҳ будааст. Татаристон ба шарофати зерсохтҳои саноатӣ ва пойбандӣ ба меъёрҳои таъйиншуда, яке аз минтақаҳои пешсафи Русия дар ин раванд маҳсуб мешавад.
Ин дастовард танҳо ба ҷанбаи тиҷоратӣ маҳдуд намешавад, балки нишондиҳандаи рушди чаҳорчӯби ниҳодӣ дар бахши ҳалол аст, ки аз як рӯйкарди маҳаллӣ ба сӯи шинохти созмонёфтаи байналмилалӣ ҳаракат мекунад.
4334576
