Чин: оташбас бо Эрон бояд пурра ҳифз гардад

Намояндаи доимии Чин дар Созмони Милали Муттаҳид бо ишора ба ин ки решаи ноустувориҳои кунунӣ «ҳамлаҳои ғайриқонунӣ»-и Амрико ва Исроил ба Теҳрон аст, хостори ҳифзи комили оташбаси бадастомада бо Эрон шуд.

Ба гузориши икно ба нақл аз «ал-Олам», «Фу Кунг», намояндаи доимии Чин дар СММ, рӯзи ҷумъа (11 урдибиҳишт) дар як нишасти хабарӣ эълом кард, ки дидгоҳи Чин бозкушоии ҳар чи сареътари тангаи Ҳурмуз аст.

Вай дар идома, решаи ноустувории кунунӣ, аз ҷумла дар робита бо басташавии тангаи Ҳурмузро «ҷанги ғайриқонунӣ»-и Амрико ва Исроил алайҳи Эрон донист.

Намояндаи Чин нисбат ба изҳороте, ки дар бораи эҳтимоли поёни оташбас матраҳ мешавад, изҳори нигаронӣ кард ва гуфт: «Мо шадидан нигаронем аз суханоне, ки дар бораи муваққатӣ будани оташбас ва зарурати оғоз кардани ҳамлаҳо ироа мешаванд».

Вай таъкид намуд, ки оташбас бояд ба таври комил ҳифз шавад ва ҷомеаи ҷаҳонӣ бояд дар баробари эҳтимоли азсаргирии даргириҳо мавқеъ бигирад.

Фу Кунг дар поён гуфт, Чин ҳамеша аз сулҳ ҳимоят мекунад; «Ван И», вазири умури хориҷии ин кишвар, ба таври мунтазам бо ҳамаи тарафҳо дар иртибот аст ва Пекин аз нақши миёнҷигарии Покистон низ ба таври комил ҳимоят мекунад.

4349765