Афзоиши исломситезӣ нисбат ба занони муҳаҷҷаба дар Аврупо дар соли 2025
Ба гузориши икно аз нақли «АбнОл-Арабия», гузориши солонаи «Исломситезӣ дар Аврупо 2025», ки аз ҷониби гурӯҳи мубориза бо исломситезӣ дар Аврупо (CCIE) дар Брюссел нашр шудааст, тасвири нигаронкунандае аз вазъияти мусалмонон дар кишварҳои аврупоӣ ироа мекунад.
Нафрат нисбат ба онҳо дигар маҳдуд ба ҳамлаҳои кӯчагӣ нест, балки бахши ҷудонашавандаи сохторҳои сиёсӣ, расонаӣ ва амниятӣ дар Аврупо табдил шудааст.
Ин гузориш, ки бар асоси шикояти қурбониён, расади расонаҳо ва маълумоти муассисаҳои донишгоҳӣ дар 11 кишвари аврупоӣ, аз ҷумла Англис, Фаронса, Шветсия, Австрия ва Дания гирд оварда шудааст, тасдиқ мекунад, ки исломситезӣ ба як падидаи «оддӣ» дар Аврупо табдил шудааст.
Бар асоси ин гузориш, 876 ҳолати исломситезӣ танҳо дар соли 2025 сабт шудааст, ки бештари онҳо мубталои табъиз, таҳрики нафрат, туҳмат, таҳқир ва ҳамлаи ҷисмонӣ будаанд.
Бар асоси ин гузориш, занони мусалмон 80 фоизи қурбониёнро ташкил медиҳанд ва бахши қобили муваҷаҳи ҳолатҳои табъиз мустақиман ба ҳиҷоб марбут мебошад.
Ин гузориш нишон медиҳад, ки ин омор танҳо «бахши хурди воқеият»-ро нишон медиҳад, зеро Оҷонси ҳуқуқи асосии Иттиҳоди Аврупо тахмин мезанад, ки танҳо шаш дарсади ҳолатҳои исломситезӣ гузориш мешаванд; мушкиле, ки ба беэътимодии мусалмонон ба ниҳодҳои расмӣ ва оддӣсозии фазои зидди исломӣ нисбат дода мешавад.
4354397
