Таҳқир ба Қуръон ва кофтуковҳо дар пайи идомаи ҳамлаҳои саҳюнистҳо ба Каронаи Ғарбӣ
Ба гузориши икно бо истинод ба jo24, дар шаҳри Аз-Зовия, воқеъ дар ғарби Салфит дар шимоли Каронаи Ғарбӣ, артиши режими ишғолгар амалиёти густурдаи рейд ва кофтуков анҷом дод. Дар ҷараёни ин амалиёт, онҳо ашёи хонаҳои сокинони фаластиниро вайрон карда, чанд нафар ҷавонро латукӯб намуданд ва як нусхаи Қуръони Каримро дар дохили яке аз хонаҳо пора карданд.
Манобеи маҳаллӣ хабар доданд, ки низомиёни режими ишғолгар дар ҷараёни ин ҳамла чанд нафар ҷавонро боздошт намуда, ба онҳо ҳамла карданд ва онҳоро соатҳо мавриди бозпурсии саҳроӣ қарор доданд.
Дар Ноблус, нерӯҳои ишғолгар ҳангоми ҳамла ба деҳаи Асира ал-Қиблия дар ҷануби Каронаи Ғарбӣ, инчунин ба шаҳри Қарют, деҳаи Тиасир дар шарқи Тубос ва шаҳри Аз-Зовия дар ғарби Салфит юриш бурда, аз муҳимоти ҷангӣ ва норинҷакҳои садоӣ истифода карданд.
Дар Ҷанин низ нерӯҳои ишғолгар ба хонае дар минтақаи «Ал-Ҳадаф», дар наздикии урдугоҳи фаластиниён, ҳамла бурданд ва пас аз ҳамла ба як бинои истиқоматӣ, як зан ва писари ӯро боздошт карданд.
Нерӯҳои саҳюнистӣ ҳамчунин ба шимоли Ал-Халил, шимоли Қудси ишғолшуда ва деҳаҳои Дайр Абумашъал ва урдугоҳи Ҷалазун дар Ромуллоҳ дар Каронаи Ғарбӣ ҳуҷум намуда, ба хонаҳои сокинон рейд анҷом доданд.
Дар Ал-Халил, нерӯҳои режими саҳюнистӣ ҳамзамон бо ҳамла ба шаҳр, боздоштҳои густурда анҷом доданд, ки бештари боздоштшудагон аз ҷумлаи асирони озодшуда буданд.
Ниҳодҳои фаластинӣ дар моҳи гузашта 1659 мавриди ҳамла аз ҷониби артиши ишғолгар ва шаҳракнишинонро дар Каронаи Ғарбӣ ва Қудси ишғолшуда сабт кардаанд.
Ин қонуншиканиҳо 551 ҳамлаи мустақими шаҳракнишинонро дар бар мегирифт, ки дар натиҷаи онҳо ду фаластинӣ дар вилоятҳои Салфит ва Ромуллоҳ ба шаҳодат расиданд.
4358335
