«Маҷлисе танҳо барои шунидани Қуръон» дар Мусаллои Теҳрон + видео

«Маҷлисе ташкил шавад, гурӯҳе ҳозир шаванд, қории Қуръон нишинад ва як соат, камтар ё бештар, Қуръон тиловат кунад ва шунавандагон низ танҳо барои шунидани каломи ваҳй биёянду биншинанд. Ин кор таъсири бисёр амиқ дорад ва ҳатто дар баъзе мавридҳо метавонад аз тиловати худи инсон ҳам таъсирбахштар бошад.» Ин суханон бахше аз гуфтаҳои Имоми муҷоҳид, шаҳид Оятуллоҳ ал-узмо Сайидалӣ Хоманаӣ мебошанд.

Ҳамзамон бо шабу рӯзи маросими видоъ бо раҳбари шаҳид, Имоми муҷоҳид Сайидалӣ Хоманаӣ, дар шаҳри Теҳрон гурӯҳе аз қориёни барҷастаи кишвар ва ҳофизони Қуръони карим ба хотири арҷгузорӣ ба васият ва таъкидҳои раҳбари худ, маҳфили унс ва шунидани Қуръонро баргузор карданд.

Саҳни асосии Мусаллои Имом Хумайнӣ (р) мизбони шумораи зиёди меҳмонон аз гӯшаҳои гуногуни Эрон ва ҳатто дигар кишварҳо мебошад. Парчамҳои сурхи ҳусайнӣ дар дасти азодорон парафшонанд ва меҳробе, ки солҳои зиёд ҷойгоҳи раҳбар буд, акнун ҷанозаи ӯро дар бар гирифтааст.

Дар канори ин фазо ва дар шабистони асосии Мусалло, қориёни Қуръон аз субҳи нахустин рӯзи маросими видоъ то анҷоми он, ки соати 20:00 ҳамин шаб аст, кӯшиш мекунанд бо ёрии Худованд хатми пурраи Қуръонро анҷом дода, савоби онро ба рӯҳи волои Имоми шаҳид ва шаҳидони хонаводаи ӯ эҳдо намоянд.

Тамоми ин хатми Қуръон ба таври тасвирӣ сабт шудааст ва бахшҳое аз он низ мустақиман аз Шабакаи Қуръон ва Маорифи Симои Эрон пахш гардид.

تعداد بازدید : 2

код

Зеркашӣ кунед

Main movie

<div id="video-display-embed-code_22166"><script type="text/JavaScript" src="/tj/news/play/embed/4793/22166?width=400&height=300"></script></div>

تعداد بازدید : 2

код

Зеркашӣ кунед

Main movie

<div id="video-display-embed-code_22167"><script type="text/JavaScript" src="/tj/news/play/embed/4793/22167?width=400&height=300"></script></div>

4362285