Abu Dabi Beynəlxalq Quran Müsabiqəsinin qalibləri mükafatlandırıldı
“Meddia.abudhabi” saytında yer alan xəbərə görə, müsabiqə Birləşmiş Ərəb Əmirliklərinin Dini İşlər, Vəqflər və Zəkat Baş İdarəsi tərəfindən təşkil olunub.
Əbu-Dabidəki Məhəmməd ibn Zayid Hall-da keçirilən tədbirdə Əbu-Dabinin vəliəhdi və Əbu-Dabi İcraiyyə Şurasının sədri Şeyx Xalid ibn Məhəmməd ibn Zayid Əl Nəhyan iştirak edib.
Mərasim Quran tilavəti ilə başlayıb. Daha sonra BƏƏ-nin Qurana xidmət etmək səylərindən bəhs edən qısametrajlı film nümayiş etdirilib.
Vəqf və BƏƏ Beynəlxalq Quran Mükafatının sədri Ömər Xabtur Əl-Dari izah etdi ki, mükafatın məqsədi Qurani-Kərimi yaymaq, onun təlimlərini qorumaq və BƏƏ daxilində və xaricində onun hafizlərini təqdir etməkdir.
O, həmçinin bunun Qurani-Kərimin dəyər və təlimlərini qoruyub saxlamaq və gələcək nəsillərə ötürmək üçün ilham mənbəyi olduğunu bildirib.
Prezident mükafata layiq görülən tələbələri və onların ailələrini təbrik edib, onları bu mənəvi yolda davam etməyə, Qurani-Kərimin dəyərlərini öz həyatlarında əks etdirməyə və icmalarına örnək olmağa həvəsləndirərək, müsabiqənin uğur qazanmasında əməyi olan sponsor qurumları təqdir edib.
Mükafat mərasimində 10 ölkəni təmsil edən 2024-cü il Quran yarışmalarında və dünya mükafatlarında birinci yeri qazanan qrup mükafatlandırılıb.
Beynəlxalq kateqoriyada Birləşmiş Ərəb Əmirlikləri, Oman, Bəhreyn, Misir, Mərakeş, Mavritaniya, Fələstin və Nigeriya təmsilçiləri mükafatlandırılıblar.
Yerli kateqoriya üzrə də qaliblər mükafatlandırılıb. Bundan əlavə, Dini Mərkəzlər və İnstitutlar İdarəsi, Dini İşlər Vəqfləri və Zəkat Baş İdarəsinin keçmiş direktoru Mona Əbdül-Qadir Salim Əl-Qassani də Qurani-Kərimin təbliğində 20 illik xidmətinə görə təltif edilib. Bundan əlavə, BƏƏ Qızıl Aypara, BƏƏ Beynəlxalq Quran Mükafatını dəstəkləyən təşkilat kimi təltif edilib.
4270738
