Kashi 30 Na Wadanda Suka Mutu A Gaza Kananan Yara Ne

Bangaren kasa da kasa, adadin Palastinawa da suka yi shahada sakamakon hare-haren da jiragen yakin Haramtacciyar kasar Isra'ila suke kaddamarwa kan al'ummar ya kai 200, yayin da wasu fiye da 14000 suka samu raunuka.

Kamfanin dilalncin labaran Iqna ya habarta cewa, majiyoyin asibiti a yankin Zirin Gaza sun ce akalla Palastinawa 7 ne suka yi shahada a daren jiya, sakamakon hare-haren da jiragen yakin Isra'ila suka kai a cikin garin Gaza da kuma yankin Khan Yunus, daga cikin wadanda suka rasa rayukansu har da kanan yara biyu da shekarunsu ba su wuce biyu zuwa shida ba,  gami wata mata 'yar shekaru da haihuwa, wanda hakan ya cika adadin wadanda suka shahada 200 a cikin kwanaki 8 a yankin.
Kungiyoyin Palastinawa 'yan gwagwarmaya sun ci gaba  da antaya makaman roka a cikin biranen Isra'ila da sauran matsugunnan yahudawa 'yan kaka gida, domin mayar da martani kan kisan gilla da al'ummar yankin.
A nata bangaren kungiyar Hamas a ta bakin kakakinta Sami Abu Zuhri, ta amince da wani kwaryakwaryan shiri na Majalisar Dinkin Duniya na dakatar da bude wuta a yau Alhamis har tsawon sa'oi biyar domin ayyukan jin kai.
1430312