Belgium Za Ta Dauki Bakuncin wani Taro Kan Dangantakar 'Ya'Ya Da Iyaye A Musulunci

Bangaren kasa da kasa: Za a gudanar da taro a kasar Belgium wanda zai yi dubi kan dangantakar 'ya'ya da kuma Iyaye a mahangar addinin musulunci.

Kamfanin dillancin labaran Ikna ya nakalto daga majiyoyin kungiyar (Islamic events) cewa; babbar cibiyar kula da harkokin addinin musulunci ta kasar ce ta shirya taron. Bayanin ya ci gaba da cewa gobe Asabar ne za a gudanar da taron, wanda zai samu halartar masu nazari kan addinin musulunci da kuma masana daga kasar ta Belgium da ma wasu kasashen turai, inda za a yi bahasi kan wasu ayoyin alkur'ani da hadisai da suka yi bayani kan kyautata dangantaka tsakanin iyaye da 'ya'ya, da kuma tasirin hakan a cikin rayuwar zamantakewar al'umma.

366759