Kafofin Yada Labarai Na Duniya Sun Mayar Da Hankali Ga Jawabin Jagora
Bangaren kasa da kasa, kafofin yada labarai na kasashen duniya sun mayar da hanakli matuka kan jawabin da jagoran juyin juya halin muslunci na kasar Iran Ayatollah Ozmah Sayyid Ali Khamenei a cikin hudubar Juma’a ta wannan mako.
Kamfanin dillancin labaran iqna ya habarat cewa, ya nakalto daga shafin saddarwa na yanar gizo na Iraq.net cewa, kafofin yada labarai na kasashen duniya sun mayar da hanakli matuka kan jawabin da jagoran juyin juya halin muslunci na kasar Iran Ayatollah Ozmah Sayyid Ali Khamenei a cikin hudubar Juma’a ta wannan mako. A jiya ne dai Jagoran juyin juya halin Musulunci Ayatullah Sayyid Ali Khamenei ya jagoranci sallar juma'ar birnin Tehran inda a hudubobin day a gabatar ya tabo lamurra masu muhimancin gaske da suka shafi duniyar musulmi da kuma sauyin da ake samu a duniya, lamarin da ya janyo kuma yake ci gaba da janyo hankulan kafafen watsa labarai na duniya. Jin kadan bayan kare hudubar kafafen watsa labarai na duniya suka fara watsawa da kuma yin sharhi kan abubuwan da hudubar ta kumsa.
A nasa bangaren kamfanin dillancin labaran Reuters ya fi ba da muhimmanci ne ga martanin Jagoran kan barazanar takunkumi da harin soji da wasu kasashe suke yi wa Iran din inda ya ce jagoran juyin juya halin Musuluncin ya ce ko da wasa Iran ba za ta taba mika kai ga matsin lambar da kasashen yammaci suke mata ba wajen ganin ta dakatar da shirin nukiliyanta ba. Kamfanin dillancin labaran ya ci gaba da rubuta cewa Ayatullah Khamenei ya ce takunkumin da aka sanya wa Iran ba zai yi wani tasiri a kan kudurin kasar Iran a wannan fage na nukiliya ba, kamar yadda kuma ya mayar da martani ga Amurka da kawayenta da suke wa Iran din barazanar sanya mata takunkumi da kuma kawo mata harin soji da cewa Iran ma tana da irin nata barazanar wacce za ta yi hakan a duk lokacin da ta ga ya dace. Kamar yadda kuma kamfanin Reuters din kawo bangaren da Jagoran ya jaddada cewar Iran za ta taimakawa duk wata al'umma ko kuma kungiyar da take fada da hki ba tare da wani noke-noke ba.
Shi ma kamfanin dillancin labaran kasar Faransa ya fi ba wa bangaren jawabin Jagoran da ya mayar da martani kan kasashen da suke wa Iran din barazana da takunkumi da kawo harin soji da cewa Iran za ta mayar da martani kan hakan da dukkan karfinta. Shi kuwa kamfanin Associated Press na Amurka ya fi ba da muhimmanci ne ga bangaren da Jagora ya yi magana kan HKI da bayyana ta a matsayin cutar kansar da wajibi ne a kawar da ita, da kuma cewa Iran za ta goyi bayan duk wata al'umma ko kungiyar da ta ke son fada da HKIn.
Shi kuwa kamfanin dillancin labaran Tarand na kasar Azarbaijan ya fi ba da muhimmanci ne da bangaren da Jagoran ya yi bayanin irin nasarorin da juyin juya halin Musulunci ya kawo wa kasar Iran yana mai cewa juyin juya halin ya kawo wa al'ummar Iran 'yanci maimakon mulkin kama-karya na tsohuwar gwamnatin kasar kamar yadda kuma ya kifar da gwamnatin da take adawa da Musulunci da kuma maye gurbinta da gwamnati irin ta Musulunci mai girmama ra'ayin al'umma.
Ita kuwa jaridar Yediot Aharanot ta HKI ta zabi bangaren da Jagoran ya bayyanar HKI a matsayin cutar kansa ce a matsayin babban kanun labaranta, sannan kuma a cikin sharhinta ta fi ba da muhimmanci ne ga bangaren da Jagoran yace duk wani kokarin da Amurka ta yi wajen kara kakabawa Iran takunkumi da kuma yi mata barazana hakan zai fi cutar da Amurkan ne kafin ya cutar da Iran. Shi kuma kamfanin dillancin labaran kasar Jamus cewa ya yi daga maganganun da Jagoran ya yi ana iya fahimtar cewa Iran ba za ta taba ja da baya daga wannan shiri nata na nukiliya wai saboda barazanar takunkumi ko harin soji ba. Har ila yau kuma wani bangaren da kamfanin dillancin labaran ya fi ba shi muhimmanci shi ne bangaren da jagoran ya yi ishara da cewa Amurka tana tsoron tattaunawa da Iran ne saboda ba ta da wata hujja da ta yi daidai da hankali.
Baya ga kamfanonin watsa labaran, har ila yau wasu gidajen talabijin ma musamman na kasashen larabawa sun ba wa jawabin Jagoran muhimmanci da bayyana shi a matsayin mahangar Iran da kuma matsayarta kan lamurra daban-daban da suke yawo a duniya.
946496
A nasa bangaren kamfanin dillancin labaran Reuters ya fi ba da muhimmanci ne ga martanin Jagoran kan barazanar takunkumi da harin soji da wasu kasashe suke yi wa Iran din inda ya ce jagoran juyin juya halin Musuluncin ya ce ko da wasa Iran ba za ta taba mika kai ga matsin lambar da kasashen yammaci suke mata ba wajen ganin ta dakatar da shirin nukiliyanta ba. Kamfanin dillancin labaran ya ci gaba da rubuta cewa Ayatullah Khamenei ya ce takunkumin da aka sanya wa Iran ba zai yi wani tasiri a kan kudurin kasar Iran a wannan fage na nukiliya ba, kamar yadda kuma ya mayar da martani ga Amurka da kawayenta da suke wa Iran din barazanar sanya mata takunkumi da kuma kawo mata harin soji da cewa Iran ma tana da irin nata barazanar wacce za ta yi hakan a duk lokacin da ta ga ya dace. Kamar yadda kuma kamfanin Reuters din kawo bangaren da Jagoran ya jaddada cewar Iran za ta taimakawa duk wata al'umma ko kuma kungiyar da take fada da hki ba tare da wani noke-noke ba.
Shi ma kamfanin dillancin labaran kasar Faransa ya fi ba wa bangaren jawabin Jagoran da ya mayar da martani kan kasashen da suke wa Iran din barazana da takunkumi da kawo harin soji da cewa Iran za ta mayar da martani kan hakan da dukkan karfinta. Shi kuwa kamfanin Associated Press na Amurka ya fi ba da muhimmanci ne ga bangaren da Jagora ya yi magana kan HKI da bayyana ta a matsayin cutar kansar da wajibi ne a kawar da ita, da kuma cewa Iran za ta goyi bayan duk wata al'umma ko kungiyar da ta ke son fada da HKIn.
Shi kuwa kamfanin dillancin labaran Tarand na kasar Azarbaijan ya fi ba da muhimmanci ne da bangaren da Jagoran ya yi bayanin irin nasarorin da juyin juya halin Musulunci ya kawo wa kasar Iran yana mai cewa juyin juya halin ya kawo wa al'ummar Iran 'yanci maimakon mulkin kama-karya na tsohuwar gwamnatin kasar kamar yadda kuma ya kifar da gwamnatin da take adawa da Musulunci da kuma maye gurbinta da gwamnati irin ta Musulunci mai girmama ra'ayin al'umma.
Ita kuwa jaridar Yediot Aharanot ta HKI ta zabi bangaren da Jagoran ya bayyanar HKI a matsayin cutar kansa ce a matsayin babban kanun labaranta, sannan kuma a cikin sharhinta ta fi ba da muhimmanci ne ga bangaren da Jagoran yace duk wani kokarin da Amurka ta yi wajen kara kakabawa Iran takunkumi da kuma yi mata barazana hakan zai fi cutar da Amurkan ne kafin ya cutar da Iran. Shi kuma kamfanin dillancin labaran kasar Jamus cewa ya yi daga maganganun da Jagoran ya yi ana iya fahimtar cewa Iran ba za ta taba ja da baya daga wannan shiri nata na nukiliya wai saboda barazanar takunkumi ko harin soji ba. Har ila yau kuma wani bangaren da kamfanin dillancin labaran ya fi ba shi muhimmanci shi ne bangaren da jagoran ya yi ishara da cewa Amurka tana tsoron tattaunawa da Iran ne saboda ba ta da wata hujja da ta yi daidai da hankali.
Baya ga kamfanonin watsa labaran, har ila yau wasu gidajen talabijin ma musamman na kasashen larabawa sun ba wa jawabin Jagoran muhimmanci da bayyana shi a matsayin mahangar Iran da kuma matsayarta kan lamurra daban-daban da suke yawo a duniya.
946496
