Tsatsauran Ra'ayi Ya Samo Asali Ne Daga Karkatacciyar Fahimtar Addini
Kmafanin dillancin labaran Iqn aya habarta cewa, ya nakalto daga shafin sadarwa na yanar gizo na ISESCO cewa, Abdulazi Bin Usman Al-tuwaijari shugaban kungiyar ya bayyana cewa irin tsatsauran ra'ayi da ake samu yana da alaka da rashin fahimtar addinin muslunci, wanda a kowane lokaci yake kira zuwa ga zaman lafiya da fahimtar juna atsakaninsa da sauran addinai.
Shi ma a nasa bangaren wanda ya jagoranci sallar juma'a a fadar mulkin jamhuriyar musunci ya bayyana cewa kungiyar 'yan ta'addan daesh da cewa tana aiwatar da manufofin yahudawa ne.
Shehin malamin ya bayyana hakan ne a lokacin da yake gabatar hudubar sallar juma'a inda ya ce irin furucin da manyan malaman yahudawan sahyuniya ke yi a na cewa is wata baiwa ce daga Allah domin ta kare yahudawan sahyuniya hakan na tabbatar da cewa suna kan manufa guda, wadda ita ce bata sunan addinin muslunci a idon duniya, da ma rusa idan har za su iya samun damar yin hakan.
A cikin yan lokutan nan dai yayan kungiyar suna ci gaba da kaddamar da hare-harensu na ta'addanci a cikin kasashen musulmi, inda suke kashe tare da yin yankan rago a kan fararen hula musulmi, da kuma kone su, duk da sunan jihadi a tafarkin ubangiji.
2882590
