Yahudawan Sahyuniya Sun Kutsa A Cikin Hubbaren Annabi Yusuf (AS) A Nablus
Kamfanin dillancin labaran iqna ya nakalto daga shafin
sadarwa na tashar talabijin ta Almayadeen ta bayar da rahoton cewa kimanin
yahudawa 3000 da jijjifin safiya suka kutsa kai a cikin yankin Balata da ke tazarar
kilo mita daya daga birnin Nablus a gabashin birnin, tare da rakiyar daruruwan
jami'an tsaron Isra'ila da suke ba su kariya a hukumance.
Yahudawan sun shiga wannan wuri mai alfarma wanda a nan kabarin annabin Allah
Yusuf (AS) yake domin gudanar da wasu bukukuwansu na yahudawa, wanda musulmin
poalastinu ke kallon hakan a matsayin wani mataki na tsokana ga musulmi, domin
hakan keta alfarmar wanann wuri ne mai alfarma.
Ko a shekarar bara ma yahudawan sun kai irin wannan kutse a cikin wannan wuri mai alfarma, inda suka keta alfarma ta hanyar gudanar da tarukansu da bukuwan na yahudawa a cikinsa.
