Yahudawan sahyuniya Sun Kai Farmaki Kan Masalalcin Quds
Bangaren kasa da kasa, Wasu yahudawan sahyuniya sun kai farmaki kan masalalcin Quds mai alfarma, inda suka shiga cikin kofar magariba da ke yammacin harabar masalalcin.
Kamfanin dillancin labaran iqna ya habarta cewa
ya nakalto daga shafin Tashar
talabijin ta Almanar ta bayar da rahoton cewa, yahudawan sun shiga cikin
harabar masalalcin mai alfarma suna rera taken kin jinin musulmi da
Palastinawa, tare da keta alfarmar wannan masallaci da wurare masu tsarki da ke
cikinsa.
Yahudawan sun kai farmakin ne a daidai lokacin da jami'an tsaron haramtacciyar kasar Isra'ila suke ba su kariya, tare da makamai da motoci amsu sulke, domin hana Palastinawa daukar duk wani mataki a kan yahudawan a lokacin da suke cikin masalacin mai alfarma.
Wannan dai ba shi ne karon farko da yahudawan sahyuniya ke yin hakan ba, inda a 'yan watannin baya ma sun lakadawa daruruwan masallata duka a lokacin da suke cikin masalalci, tare da jikkata wasu wasu.
Wannan yana faruwa ne a daidai lokacin da wasu daga cikin manyan kasashen larabawa suke mayar da kyakyawar hulda da haramtacciyar kasar Isra'ila, tare da gayyatarsu zuwa yake-yaken da suke a kan 'yan uwansu larabawa.
