Ana Ci Gaba Da Gudanar Da Gasar Kur'ani Ta Duniya A Malaysia
Bangaren kasa da kasa, Ana ci gaba da gudanar da gasar karatun kur'ani mai tsarki ta duniya karo na sattin da ake gudanarwa a kasar Malaysia.
Kamfanin dillancin labaran iqna ya habarta cewa, a yau aka shiga rana ta hudu a gasar kur'ani ta duniya da ake gudanarwa a kasar Malaysia, tare da halartar makaranta da mahardata daga kasashen duniya.
Wannan gasa dai ita ce mafi girma da ake gudanarwa a duniya, kamar yadda kuma ita ce mafi jimawa a tarihi, inda a bana aka cika shekaru sattin ana gudanar da wannan gasa a kasar ta Malaysia.
A ranar Asabar mai zuwa za a gudanar da taron karshe na wannan gasa, tare da halartar manyan jami'an kasar da kuma sarkin kasar ta Malaysia Muhammad na biyar, inda za a bayar da kyautuka na bai daya ga dukkanin mahalarta gasar, kamar yadda za a bayar da kyautuka na musamman ga wadanda suka nuna kwazo a gasar.
