IQNA

23:25 - February 13, 2019
Lambar Labari: 3483370
Bangaren kasa da kasa, akalla mayakan kungiyar alshabab 12 ne Amurka ta ce ta kasha a cikin kasar Somalia a jiya.

Kamfanin dillancin labaran iqna, tashar talabijin ta Russia today ta bayar da rahoton cewa, dakarun Amurka da ke gabashin nahiyar Afrika sun ce sun kasha mayakan kungiyar Alshabab a cikin kasar Somalia ta hanyar yin amfani da jiragen yaki marassa matuki.

Sojojin na Amurka sun bayyana hare-haren nasu a cikin Somalia da cewa sun gudana cikin nasara, domin kuwa sun rage karfin ‘yan ta’adda.

Tun a cikin shekara ta 2011 ce dai dakarun kasa da kasa suka fara gudanar da ayyukan soji a cikin kasar Somalia da nufin murkushe kungiyar Alshbab wadda take da dangantaka da kungiyar Alkaida.

Amurka tana yin amfani da wannan damar domin kaddamar da hare-hare a cikin kasar Somalia da sunan taimakawa wajen murkushe kungiyar Alshabab.

3789994

 

 

 

 

Abubuwan Da Ya Shafa: iqna ، kamfanin dillancin labaran iqna ، Alshabab ، somalia
Suna:
Adireshin Email:
* Ra'ayinka: