An Bude Ajujuwan Kur’ani Na Bazara Ta Hanyar Yanar Gizo A Aljeriya

Tehran (IQNA) an bude ajujuwan kur’ani na bazara a kasar Aljeriya ta hanayar yanar gizo domin amfanin ‘yan makaranta.

Shafin radioalgeri.dz ya bayar da rahoton cewa, ministan ma’aikatar da ke kula da harkokin addini na kasar AljeriaYusuf Bilmahdi ya bayyana cewa, an bude ajujuwan kur’ani na bazara a kasar Aljeriya ta hanayar yanar gizo domin amfanin ‘yan makaranta, wanda kuma zai fara aiki daga wannan mako.

Ya ce wannan karatu dai ba sabon lamari ba ne, a kowace sekara ana yi, amma a bana saboda matsalar cutar corona ya zama wajibi a dauki matakai, wanda hakan ne yasa aka mayar ad shirin ta hanyar yanar gizo.

Daga cikin abubuwan da za a mayar da hankali kansu a wannan karatu akwai tilawa da kuma sanin kaidoji da hukuncin karatun kaur’ani, wanda malamai za su koyar.

Ministan ya kara da cewa, yanzu haka an fara gudanar da wannan shiri a lardin Wahran a matsayin gwaji.

3909657