An Fara Dawo Da Kur'anai Na Haramomin Makka Da Madina Bayan Daukar Matakai Kan Corona
Shafin yada labarai na alyaum ya bayar da rahoton cewa, Hamza Bin Ibrahim Alsalimi, shugaban bangaren kula da lamarin kula da kur'anai a masallacin haramin Makka mai alfarma, da kuma masallacin manzo (SAW) da ke Madina, ya bayyana cewa, tun daga lokacin da cutar corona ta bulla, suka tattara dukkanin kur'anai da suke a cikin haramomin guda biyu.
Ya ce an dauki wannan mataki ne domin kaucewa yaduwar cutar coroan tsakanin masu gudanar da ziyara a wadannan wurare biyu, kasantuwar cewa mutane ne suke daga ko'ina, a kan haka daukar matakin taka tsantsan ya zama wajibi.
Ya ce a halin yanzu bayan daukar dukkanin matakan ad suka dace na kiwon lafiya, an samu tabbacin cewa dawo da su ba zai zama matsala ba, a kan haka suka yanke shawarar dawo da dukkanin kur'anan a cikin akntocinsu.
