Hamas ta bayyana goyon bayanta ga kokarin da Aljeriya ke yi na sasanta kungiyoyin Falasdinu

Tehran (IQNA) Daraktan siyasa na kungiyar Hamas Sami Abu Zuhri ya yabawa kalaman ministan harkokin wajen Aljeriya Ramtan Lamara game da kokarin sulhunta kungiyoyin Falasdinu tare da jaddada goyon bayan Hamas ga kokarin Aljeriya.

Abu Zuhri ya wallafa a shafinsa na Twitter cewa: "Muna matukar mutunta kalaman ministan harkokin wajen Aljeriya Ramatan Lamara dangane da batun sulhunta Falasdinu."

Ya kara da cewa: Muna goyon bayan rawar da Aljeriya ke takawa wajen kawo karshen bambance-bambancen da ke tsakanin bangarorin Palasdinawa, muna kuma jaddada goyon bayanmu ga wannan kasa ta wannan fanni, tare da dakile daidaita alaka da 'yan mamaya a yankin.

A ranar 22 ga Disamba, 2021, Abu Zuhri ya ba da sanarwar a cikin wani jawabi cewa: Shugaba Abdel Majid Taboun ya zabi mafi kyawun lokacin da zai sanar da yunkurin kungiyoyin Falasdinawa da ke taro a Aljeriya.

Abu Zuhri ya jaddada cewa: Aljeriya ba ta gamsu da take-taken da wasu ke yi na neman halasta ayyukan ta'addancin Isra'ila ba, kamar yadda kuma ta yi kokari a aikace don hana gwamnatin sahyoniyawan shiga kungiyar Tarayyar Afirka.

Shugaban bangaren siyasa na gwagwarmayar Palasdinawa Hamas ya kammala da cewa: muna goyon bayan duk wani yunkuri daga wata kasa domin kare hakkokin al'ummar Falastinu, da kuma kawo karshen zaluncin da suke fuskanta daga yahudawan Isra'ila 'yan mamaya ba.

4033129